Khaw Nge Pathian Chu?
September 11, 2001: Zîng dâr 8:46 khân, zin mite phurtu thlawhna chuan New York Khawpuia World Trade Center in sâng hmar lam zâwka mi chu a sû a—chu chu mi firfiakte’n hmun hrang hrang an beihna bul inṭanna a ni. A hnu dârkâr 2 pawh tling lovah mi 3,000 lai an boral.
December 26, 2004
Magnitude 9.0 laia chak Indian Ocean aṭanga lo chhuak lîrnghîng chuan a thlen chin apianga mi tam tak tihlumtu tuifâwn râpthlâk tak a siam a; chu chuan kilometer 5,000 vêla hlaa awm Africa ram pawh tiamin ram 11 a dêng. Ni khat chhûng lekin, mi 1,50,000 an thi emaw, an bo emaw a; mi maktaduai khat chuang lai in leh lo nei lovin a siam.
August 1, 2009: Kum 42 mi chuan a fapa kum 5 mi chu jet lawng chak chi-a a phurh laiin thing lei dawh a sutpui. A pa chu a hmunah a thi nghâl. A fapa pawh a tûkah a thi ve leh bawk. An chhûngkhat lungngai tak chuan: “Mak tak maia a dam chhuah hlauh kan beisei tehrêng nên,” a ti vawng vawng.
Mi firfiakte beihna emaw, leilung chhiatna emaw chanchinte i chhiar a, nangmah ngeiin chhiatna i tawh hian, ‘Chûng chu Pathianin a lo hmu na nge? Pathianin min kalsan ta em ni?’ tiin i ngaihtuah em? Bible-in a chhânna thlamuanthlâk tak a pe a, chûng chu i lo en ang u. (w10-E 05/01)
[Phêk 3-naa Milem Hawhtîrtute]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures