ZIRLAI 13
A Hlutna Tihlan
Thufingte 3:21
KHAIKHAWMNA: Ngaithlatute chu i thusawiin an nun a nghawng dân hre thiam tûrin ṭanpui la, an thu zirte an nunpui dân tûr hrilh rawh.
A TIH DAN TUR:
Ngaithlatute chu ngaihtuah rawh. Ngaithlatute’n i thusawi an hriat a ṭûl chhan chu ngaihtuah la, thu khel laia an tâna ṭangkai zual tûrte chu ngaihtuah ang che.
I thusawi chhûng zawngin, ngaithlatute hnênah an tih tûr hrilh ang che. I sawi ṭan phat aṭangin, ngaithlatu zawng zawng chuan, ‘Hei hi ka tân a ni,’ tih an hre tûr a ni. A thu pawimawh laite i sawi chhoh apiangin, an nunpui theih dân tûr kawhhmuh rawh. Chiang lo deuhvin sawi suh.