ZIRLAI 11

Phûrna

Rom 12:11

KHAIKHAWMNA: Ṭhahnemngai taka sawiin ngaithlatute chu tithathovin, chêttîr rawh.

Thinlung takin sawi rawh. I thusawi tûr i inbuatsaih laiin, i sawi tûr thuchah pawimawhna chu ngun takin ngaihtuah rawh. Thinlung aṭanga sawi thei tûr khawpin i thusawi tûr chu bel hle ang che.
Ngaithlatute ngaihtuah rawh. I thu chhiar tûr emaw, zirtîr tûr emawin mi dangte hlâwkna a thlen theih dân ngaihtuah rawh. I thusawi tûr chu ngaithlatute’n an ngaihhlut lehzual theih tûr zâwnga sawi dân tûr ngaihtuah ang che.
Nung takin sawi rawh. Ṭhahnemngai takin sawi la, i rilru vei zâwng chu zaizir dân pângngai tak leh i hmêl aṭangin lantîr rawh.

Zaizir dân chi khat chauh hman avânga ngaithlatute rilru tibuai lo tûrin fîmkhur la, awmze nei takin zaizir ang che. A pawimawh lai i zirtîr hunah leh ngaithlatute thil ti tûra chêttîr i duh hunah a bîk takin phûrna lantîr ang che. Ngaithlatute tâna ninawm tûr khawpin i thusawi chhûng zawnga a lutuka phûrna lantîr reng chu pumpelh rawh.