Dawhthei Rawh U

1. Lal Chungnung ber Jehova’n,

A hming thianghlim chawimawi a duh;

Dik lova puhna zawng zawng,

Thiam chantîr chu a duh ngei e;

Chhuan tam tak a liam hnu paw’n,

Dawhtheihna a lantîr zêl;

Hmangaih vânga dawhtheiin,

A nghâk reng ning lovin;

A duh zâwng chu chhandamna,

Mi zawng zawng hian chang thei ngei se;

Pathian hmangaih dawhtheihna,

A lantîr chu a thlâwn ngai lo’ng.

2. Pathian kawng zawh thei tûrin,

Dawhtheihna chuan min ṭanpui ang;

Kan thinlung a thlêm daiin,

Thinur lo tûrin min vêng ang;

Mi dangte ṭhatna zawngin,

Ṭha lam a beisei reng ṭhîn;

Lungngaia kan awm hunah,

Rilru muanna min pe;

Thlarau thianghlim min neihtîr,

Ṭhatna mize dangte rualin,

Dawhtheihnain min pui ang,

Kan Pathian entawn thei tûrin.