Hla 111
Mi Ko Vang
(Joba 14:13-15)
1. A rei lo ve, kan dam chhûng nîte chu,
Chhûm zîng ral leh ang a ni;
Lungngaih mangang chhîng mittui tla chungin,
Kan hmang ṭhîn dam lai nîte;
Mi a thih chuanin, nung leh ang em ni?
Kan hria e, Pathian thu tiam:
(THUNAWN)
An nung ang, A thupêk angin,
A aw hriain an chhâng ang;
A kut chhuak an nih vângin,
Kaihthawh leh a duh ngei e;
Mak ti s’u, Pa thiltihte chu,
Ring ang che, a theihna chu;
A kut chhuak kan nih vângin,
Chatuanin kan nung tawh ang.
2. Mual min liamsan kan Pathian ṭhiante chu,
Nghilh nî a awm ngai lo’ng e;
Lalpaa awm muhîl tawh zawng zawng chu,
A ni a kai tho leh dâwn;
A tum ang ngeiin kan nung thei tawh ang,
Paradis-ah chatuanin.
(THUNAWN)
An nung ang, A thupêk angin,
A aw hriain an chhâng ang;
A kut chhuak an nih vângin,
Kaihthawh leh a duh ngei e;
Mak ti s’u, Pa thiltihte chu,
Ring ang che, a theihna chu;
A kut chhuak kan nih vângin,
Chatuanin kan nung tawh ang.
(Joh. 6:40; 11:11, 43; Jak. 4:14 en bawk rawh.)