Pathian I Hmangaihna Lantîr Rawh

Ṭhian nei reng tûr chuan, amah i biak a ngai a. A thu i ngaithlain, i thu a ngaithla ve bawk a. Mi hnênah a ṭhatzia i sawi bawk a ni. Pathian nêna inṭhianna pawh chutiang bawk chu a ni. He mi chungchânga Bible sawite hi ngaihtuah rawh:

Ṭawngṭaiin Pathian be ziah rawh. “Ṭawngṭai fan fan ula.”​—⁠Rom 12:12.

Pathian Thu, Bible chhiar rawh. “Pathian Lehkha Thu zawng zawng hi Pathian thâwk khuma pêk a ni a, zirtîr kawngah te, thiam loh chantîr kawngah te, zilh kawngah te, . . . a sâwt bawk a ni.”​—⁠2 Timothea 3:16.

Mi dangte Pathian thu zirtîr rawh. “Chutichuan kal ula, hnam tina mi zirtîrahte siam ula, . . . thu ka pêk zawng zawng che u pawm tûrin zirtîr rawh u.”​—⁠Matthaia 28:​19, 20.

Pathian ṭhiante chu hnaih rawh. “Mi fing pâwl la, i lo fing ang.”​—⁠Thufingte 13:20.

Kingdom Hall-ah inkhâwm rawh. “Hmangaih leh thil ṭha tiha inchawk tho tûrin inngaihtuah tawn ang u; . . . infuih tawn nasa lehzual sauh rawh u.”​—⁠Hebrai 10:​24, 25.

Lalram rawngbâwlna chhawmdâwl rawh. “Mi tinin ui lovin, pêk loh theih loh anga ngaia pe hek lovin, an thinlunga an tum ang zêlin pe ṭheuh rawh se; Pathian chuan hlim taka petu a ni a hmangaih ni.”​—⁠2 Korinth 9:⁠7.