Israel Lalber Ṭha Hnuhnûng Ber

1SRAEL chhim lam hnam hniha lalber a nihin Josia chu kum riat chauh a ni. Chu chu lalber ni tur chuan a naupang em em. Chuvangin a tirah upa thenkhatin hnam awp turin an tanpui a.

Josia chu lalber a nib atanga kum sarihah Jehova a zawng tan a. Lalber tha Davida, Jehosaphata leh Hezekia te a entawn a. Tin, tleirawl mai a la nib laiin Josia chuan huai takin thil a ti a.

Hun rei tak chhung chu Israel-mi tam berte chu an tha lo em em a. Pathian dik lote an bia a. Milem hmaah te an kun a. Tichuan Josia chu a mite nen a kal chhuak a, chu ram atang chuan biakna dik lo an tikiang tan ta a. Mipui tam takin pathian dik lote an biak vangin chu chu hna ropui deuh a ni. Hetah hian Josia leh a miten milemte an chhut keh lai i hmu thei.

A hnuah, Josian Jehova biak in siamthat hna enkawltuah mi pathum a dah a. Mipui hnen atangin tangka an la khawm a, an tih tur thawh nan chung mite hnenah chuan pek a ni a. Biak ina an thawh laiin, puithiam lal Hilkian chutah chuan thil pawimawh em em a hmu chhuak a. Hmanlaia Jehovan Mosia a ziahtir dan bu ngei chu a ni. Kum tam tak hloh a ni tawh a.

Lehkhabu chu Josia hnenah an kalpui a, a hnenah a chhiartir a. A han ngaihthlak chuan mipuiin Pathian dan an zawm lo tih a hre thei a. Chumi chungchangah chuan a lungngai em em a, tichuan a silhfen a pawtthler a, heta i hmuh ang hian. ‘He lehkhabua ziak dante hi kan paten an zawm loh vangin, kan chungah Jehova a thinur a ni,’ a ti a.

Josia chuan puithiam lai Hilkia chu, an chungah Jehovan enge a tih dawn tih hmu chhuak turin thu a pe a. Hilkia chu zawlneinu Huldai hnenah a kal a, a zawt a. Josia hnena a hawn turin Jehova hnena mi he thuchah hi a pe a: ‘Jerusalem leh mipui zawng zawng chu pathian dik lote an biak leh, ram chu that lohnaa tihkhah a nib avangin hrem a ni ang. Mahse, nang, Josia hian a tha chu i tih avangin chu hremna chu i thih hnuah lo chuan a lo thleng lo vang,’ tih hi.