STRESS NEITE TANA HAHDAMNA
Stress Awm Tawh Lohna Nun I Nei Thei
Bible-a chuang finna thute chuan stress min neihtîrtu thil tam takte pumpelh tûrin min ṭanpui thei a. Chûng stress min neihtîrtu zawng zawngte chu kan tibo vek thei lo ngei mai. Mahse, Pathian chuan a thei a ni. Min ṭanpui tûrin mi pakhat a ruat hial a. Ani chu Isua Krista a ni. Nakin lawkah, leia a awm laia a thil tihte aia ropui zâwkte chu khawvêl pumah a rawn ti thuai ang. Chûngte chu:
ISUA CHUAN A LO TIH TAWH ANGIN DAM LOTE A TIDAM ANG.
“Natna chi hrang hrang neite . . . chu a hnênah an rawn hruai a, ani chuan a lo tidam hlawm a.”—MATTHAIA 4:24.
ISUA CHUAN MI TINTE CHU EI TUR LEH CHENNA TUR IN A PE ANG.
“Inte an [Krista rorêlna hnuaia awmte] sa ang a, chûngah chuan an chêng ang; grêp huante an siam ang a, a rah an ei bawk ang. Mi dang awmna tûrin in an sa tawh lo vang a, mi dang eiah grêp huan an siam tawh lo vang.”—ISAIA 65:21, 22.
ISUA RORELNA CHUAN KHAWVEL PUMAH REMNA LEH MUANNA A THLEN ANG.
“A dam lai chuan mi felte chu an duah hluah hluah ang a, thlamuanna nasa tak chu a duah hluah hluah bawk ang, thla awm loh hma loh chuan. Ani chuan tuifinriat aṭanga tuifinriat dang thleng pawhin thu a nei bawk ang, luipui aṭanga kâwlkil thleng pawhin. . . . Amah dotute pawh chuan vaivut an liak ang.”—SAM 72:7-9.
ISUA CHUAN ROREL DIK LOHNA A TITAWP ANG.
“Mi rethei leh pachhiate chu a khawngaih ang a, pachhiate nunna chu a chhandam ang. An nunna chu hnehchhiahna leh nunrâwnna lak ata a tlan ang.”—SAM 72:13, 14.
ISUA CHUAN HREHAWM TAWRHNA LEH THIHNA A TITAWP ANG.
“Thihna a awm leh tawh lo vang a, lungngaihna te, ṭahna te, natnate pawh a awm leh tawh hek lo vang.”—THU PUAN 21:4.