ZAWHNA 2-NA
Pathian chungchâng engtin nge i zir theih?
“He dân bu hian i kâ chu chhuahsan hlek suh se; chu mi thuziak zawng zawng chu i zawm tlat theih nân chhûn leh zân i ngaihtuah zâwk tûr a ni; tichuan, i kawngte chu i lo titluang zêl ang a, i lo hmuingîl zêl dâwn nia.”
Josua 1:8
“Lehkhabu, Pathian dân bua mi chu fiah takin an chhiar a; a awmzia an hrilhfiah a; tichuan, an chhiar chu an hriat chiantîr zêl a.”
Nehemia 8:8
“Mi suaksualte remruat anga awm ngai lo . . . mi chu, a eng a thâwl e. A lâwmna chu LALPA dânah a ni zâwk a; a dân thu chu a chhûn a zânin a ngaihtuah ṭhîn. . . . A thiltih apiang chu a hmuingîl zêl ang.”
Sâm 1:1-3
“Philipa chu a sîrah a va tlân a, zâwlnei Isaia thuziakte a ria a chhiar chu a hria a, a hnênah: ‘I thu chhiarte kha i hre thiam em?’ a ti a. Ani chuan: ‘Tu ma mi hrilhfiah lohvin engtin nge ka hriatthiam theih ang?’ a ti a.”
“Mita hmuh theih loh a nihna, a chatuan thiltihtheihna leh a Pathianzia chu khawvêl siam tirh ata a thil siamahte chuan chiang taka hmuh theih a ni si a; chuvângin, chhuanlam tûr an nei lo.”
“Mi zawng zawngin i hmasâwnna chiang taka an hmuh theihna tûrin chûng thilte chu chhût ngun la, chûngah chuan inhmang zo rawh.”
“Hmangaihna lantîr tûr leh thil ṭha ti tûra inchawk tho tûrin i inngaihtuah tawn ang u. . . . Kan inkhâwm thlahthlam lovin.”
“In zînga tu pawhin finna a tlâk chham chuan, mi zawng zawng hnêna hau lo va, phal taka pe ṭhîntu Pathian hnênah dîl rawh se; tichuan, a hnênah pêk a ni ang.”