Neyi Cheliliyi Manena, Twamijenuñaku Yuma yakuSpiritu

Manena wadiña hakachi kawamanakwetu alombweleña muchipompelu chawakaKristu akusambila chamuAntiyoki. ‘Watañilileña hamu naHerodi nyuuli wankambi.’ (Yilw. 13:1) Dichi Manena wadiña muntu wataña chikupu shikola yakumunjimba nawa wakulilili muchisaka chawantu aheta.

Hela chakwila wadiña nachihandilu chamuchidiwu, Manena watondelihu kwikala mukaKristu nikukwasha chipompelu. Wazatishili wanyi shikola yadiziliyi indi kwiji kudiluka nawantu atuumbakana kumuleteshi akeñi kutuumbakanaku. Ilaña, watondelihu kukalakela amanakwindi.

Chuma cheliliyi Manena chinakumwekesha hatooka nawu kumukalakela Yehova kwalema chikupu kubadika kufwila kutuumbakana mukanu kaayi. Neyi cheliliyi Manena, twatela kutwamijañaku yuma yakuspiritu kubadika yuma yafwilañawu antu mukaayi. (Mat. 6:33) Hela chakwila twalemesha shikola yakumujimba, tweluka “yuma yalema nankashi” nawa hitwalekaña yuma yakumujimba yitukañeshi kudifukula chiwahi kudi Yehovaku.—Fwili. 1:​9, 10.