Loñeshenu Ñakwilu Yikukolesha Akwenu

Hampinji yakupompa, wejima wetu tukweti kukooleka kwakukolesha amanakwetu niahela neyi twakulañahu. (Heb. 10:​24, 25) Yumanyi yitwatela kwila hakwila tuloñeshi ñakwilu yikukolesha akwetu?

• Lombenu kudi Yehova. Mulombenu ayikwashi kuloñesha ñakwilu yikumulemesha nawa yikukolesha akwenu.—Mas. 35:18.

• Fwilenuña kuhana ñakwilu mumazu enu bayi kukumina dakutaña mumukandaku. Neyi mwakulaña mumazu enu, mukukolesha antu anakutiyilila chimunakulumbulula yuma yimwakuhwelela.

• Ñakwilu yenu yikaleña yayihi. Ñakwilu yayihi nawa yapela kutiya, kakavulu yakoleshaña nawa yaleteshaña antu amavulu niwena kwakulahu hakupompa.—Yish. 10:19.

• Akulenuña munjila yayiwahi. Tondolwelenu kuzatisha mazu akufumbana hela kuhosha chatama kutalisha hachipompelu hela mukwenu mukaKristu.

Hela chakwila anayinki kukooleka kwakwakulahu wanyi, hohamu munateli kukolesha akwenu. Tiyililenuña nakanañachima, nawa hanyima yakupompa yisakililenu hañakwilu yawu.—Yish. 10:21.