Yoshuwa

15 Ngalila vahanyine+ muyachi waYuta* kweseka najitanga javo yahetele nakungiza yakuEtome,+ kupambo yaJine swi nakusongo yaNengeve kusulo. 2 Ngiza yavo yakusulo yaputukilile kusongosongo yaKalungalwiji waMungwa,*+ kuchihukula chize chatala kusulo. 3 Yalovokele nakuya kumukandu waAkalavime+ kusulo, kaha yahichilile kuJine, kufuma kusulo yakandukile kuKateshe-mbalaneya+ nakuya kuHezelone, nakuAtale, kaha yanyengumukile nakuya kuKalaka. 4 Yahichile kuAzamone+ nakuya kuMwanakalwiji* wakuEjipitu.+ Kaha ngiza yavo yakakuminyine kuKalungalwiji.* Eyi yikiko yapwile ngiza yavo yakusulo.

5 Ngiza yavo yakumututuko yapwile Kalungalwiji waMungwa* mbwe nakumawilo aYotau. Ngiza yakunote yafumine kuchihukula chakalungalwiji, kumawilo aYotau.+ 6 Kufumaho yakandukile kuMbete-hongola+ nakuhita kuMbete-alava+ kunote, kaha yayile kulilolwa lyaMbohane+ mwanaLuvene. 7 Yahichile kuNdevile kuChinema* chaAkole,+ kaha yanyengumukile nakuya kunote yaNgilingale+ kwakulitalasana namukandu waAtumime, kusulo yachinema. Ngiza kana yayile nakumeya aEne-shemeshe,+ kaha yakuminyinyine kuEne-longele.+ 8 Kufumaho yayile kuChinema chaMwanaHinome,+ kumukandu wavaYevuse+ kusulo, chipwe ngwavo kuYelusalema.+ Kaha yakandukile kupili yize yalitalasana naChinema chaHinome kumulauko, kusongosongo yaChinema* chaLefwaime kunote. 9 Kaha yafumine kupili nakuya kukaselwoke wameya akuNefwetowa+ nakulovokela kujinganda jakuPili yaEfwelone. Kufumaho yayile nakuMbala chipwe ngwavo Kilyate-yeyalime.+ 10 Ngiza kana yanyengumukile kufuma kuMbala kumulauko nakuya kuPili yaSeile nakupulasana kumukandu kunote yaPili yaYeyalime, chipwe ngwavo Kesalone. Yashikumukile kuMbete-shemeshe+ nakuya kuChimina.+ 11 Kaha yayile kumukandu waEkelone+ kunote, kufumaho yayile kuShikelone nakuhita kuPili yaMbala nakulovokela kuYavanele. Ngiza kana yakuminyine kukalungalwiji.

12 Ngiza yavo yakumulauko yapwile Kalungalwiji Wamunene*+ nachikulo chenyi. Eyi yikiko ngiza yosena yavana vaYuta kweseka najitanga javo.

13 Yoshuwa ahanyine Kaleve+ mwanaYefune uswana muli vana vaYuta ngana muze amulwezele Yehova. Vamuhanyine Kilyate-alava (Alava apwile ise yaAnake) chipwe ngwavo Hevelone.+ 14 Ngocho Kaleve ahangile vana vaAnake+ vatatu. Majina avo vapwile Sheshai, naAhimane, naTalamai.+ 15 Kufumaho ayile nakulwa jita navatu vakuNdevile.+ (Hakavanga Ndevile vayivulukilenga ngwavo Kilyate-sefwele.) 16 Jino Kaleve ambile ngwenyi: “Weshowo mwalukuka Kilyate-sefwele nakuyitambula, nangumuhana mwanami Akasa kupwa pwevo lyenyi.” 17 Ngocho Otonyele+ mwanaKenaze,+ ndumbwaKaleve ayilukukile nakuyitambula. Kaha Kaleve amuhanyine mwanenyi Akasa+ kupwa pwevo lyenyi. 18 Omu Akasa apwile nakuya kuzuvo yalunga lyenyi, alwezele lunga lyenyi alombe mavu kuli isewenu. Akasa asulukile hachimbulu chenyi,* kaha ise Kaleve amuhulishile ngwenyi: “Uli nakusaka ika?”+ 19 Ikiye ambile ngwenyi: “Ngukisule, nguhane naNgolate-mayime* nawa, mwomwo unanguhane musuka wamavu kusulo.”* Ngocho amuhanyine Ngolate yaKutunda, naNgolate yaKuchikulo.

20 Ou ukiko uswana wamuyachi waYuta kweseka najitanga javo.

21 Jinganda jamuyachi waYuta jize japwililile kusongo kwakamwihi nangiza yaEtome+ kusulo, japwile Kavazele, naEtele, naYangule, 22 naKina, naNjimona, naAtata, 23 naKeteshe, naHazole, naItanane, 24 naJifwe, naTeleme, naMbeyalote, 25 naHazole-hatata, naKelyote-hezelone, chipwe ngwavo Hazole, 26 naAmame, naShema, naMolata,+ 27 naHazale-ngata, naHeshemone, naMbete-pelete,+ 28 naHazale-shuwale, naMbele-sheva,+ naMbijiyochiya, 29 naMbala, naIme, naEzeme, 30 naEletolate, naKeshile, naHoloma,+ 31 naJikilange,+ naMatamana, naSanasana, 32 naLevayote, naShilihime, naAine, naLimone.+ Japwile jinganda 29 namembo ajo.

33 KuShefwela+ kwapwile Eshetayole, naZola,+ naAshana, 34 naZanowa, naEne-nganyime, naTapuwa, naEname, 35 naYalamute, naAtulame,+ naSoko, naAzeka,+ 36 naShalaime,+ naAchitaime, naNgetela naNgetelotaime.* Japwile jinganda 14, namembo ajo.

37 Kwapwile nawa Zenane, naHatasha, naMingitale-ngate, 38 naNjileyane, naMijipe naYokotele, 39 naLakishe,+ naMbozokate, naEngelone, 40 naKavone, naLamame, naKichilishe, 41 naNgetelote, naMbete-ndangone, naNama, naMaketa.+ Japwile jinganda 16, namembo ajo.

42 Kwapwile nawa Livina,+ naEtele, naAshane,+ 43 naIfwita, naAshana, naNejive, 44 naKeila, naAkajive, naMalesha. Japwile jinganda 9, namembo ajo.

45 Kwapwile Ekelone najimbongi jajingilikileko, namembo ajingilikileko, 46 nangalila yosena yize yapwile kuluhachi lwaAshatote namembo ayo, kufuma kuEkelone nakuya kumulauko.

47 Kwapwile Ashatote+ najimbongi jajingilikileko, namembo ajingilikileko. Ngaza+ najimbongi jajingilikileko, namembo ajingilikileko swi nakuMwanakalwiji wakuEjipitu, naKalungalwiji Wamunene* nachikulo chenyi.+

48 Kaha kungalila yajipili kwapwile Shamile, naYachile,+ naSoko, 49 naNdana, naKilyate-sana chipwe ngwavo Ndevile, 50 naAnave, naEshetemo,+ naAnyime, 51 naNgoshene,+ naHolone, naNgilo.+ Japwile jinganda 11, namembo ajo.

52 Kwapwile nawa Alavya, naNduma, naEshane, 53 naYanyime, naMbete-tapuwa, naAfweka, 54 naHumuta, naKilyate-alava chipwe ngwavo Hevelone,+ naJiyole. Japwile jinganda 9, namembo ajo.

55 Kwapwile nawa Mayone,+ naKalamele, naJifwe,+ naYuta, 56 naYezelele, naYokoteyame naZanowa, 57 naKaine, naNgiveya, naChimina.+ Japwile jinganda 10, namembo ajo.

58 Kwapwile nawa Halahule, naMbete-zule, naNgetole, 59 naMalate, naMbete-anote, naEletekone. Japwile jinganda 6, namembo ajo.

60 Kwapwile Kilyate-mbale chipwe ngwavo Kilyate-yeyalime,+ naLava. Japwile jinganda jivali namembo ajo.

61 Mupambo mwapwile Mbete-alava,+ naMichine, naSekaka, 62 naNyivishane, naNganda yaMungwa, naEne-ngechi.+ Japwile jinganda 6 namembo ajo.

63 VaYuta kavahashile kuhanga+ vaYevuse+ vaze vatwaminenga muYelusalemako.+ VaYevuse vanatwame navaYuta muYelusalema palanga nakulelo.