ເຄັດລັບການຄົ້ນຄວ້າ
ວິທີຈື່ຂໍ້ຄຳພີ
ບາງເທື່ອເຈົ້າຮູ້ສຶກວ່າຍາກບໍທີ່ຈະຈື່ຂໍ້ຄຳພີທີ່ເຈົ້າມັກ? ຂໍ້ຄຳພີນັ້ນອາດເປັນຂໍ້ທີ່ໃຫ້ກຳລັງໃຈເຈົ້າ ຊ່ວຍເຈົ້າໃຫ້ເອົາຊະນະຄວາມຄິດທີ່ຜິດໆ ຫຼືເປັນຂໍ້ທີ່ເຈົ້າຢາກໃຫ້ຄົນອື່ນອ່ານ. (ພສ. 119:11, 111) ໃຫ້ເບິ່ງຄຳແນະນຳບາງຢ່າງທີ່ຈະຊ່ວຍເຈົ້າໃຫ້ຈື່ຂໍ້ຄຳພີໄດ້.
ໃຊ້ຟີເຈີ້ແທັກໃນແອັບ JW Library®.a ສ້າງແທັກຊື່ “ຂໍ້ຄຳພີທີ່ມັກ” ແລ້ວໃຫ້ເອົາຂໍ້ຄຳພີຕ່າງໆທີ່ເຈົ້າຢາກຈື່ໄວ້ໃນສ່ວນນີ້ເພື່ອເຈົ້າຈະຊອກມັນໄດ້ງ່າຍຂຶ້ນ.
ຂຽນຂໍ້ຄຳພີຕິດໄວ້ໃນບ່ອນທີ່ເຈົ້າເຫັນ. ຂຽນຂໍ້ຄຳພີທີ່ເຈົ້າຢາກຈື່ໃສ່ເຈ້ຍ ແລ້ວຕິດໄວ້ໃນບ່ອນທີ່ເຈົ້າຈະເຫັນຕະຫຼອດ. ບາງຄົນຕິດໄວ້ທາງຂ້າງແວ່ນ ແລະບາງຄົນຕິດໃສ່ຕູ້ເຢັນ. ແຕ່ບາງຄົນກໍຖ່າຍຮູບຂໍ້ຄຳພີແລະໃຊ້ເປັນຮູບສຳລັບໜ້າຈໍໂທລະສັບຫຼືໜ້າຈໍຄອມພິວເຕີ.
ເຮັດບັດຂໍ້ຄຳພີເພື່ອຊ່ວຍໃຫ້ຈື່. ຂຽນຂໍ້ຄຳພີໃສ່ເບື້ອງໜຶ່ງແລະອີກເບື້ອງໜຶ່ງຂຽນເນື້ອໃນໃສ່. ຈາກນັ້ນ ໃຫ້ເບິ່ງເບື້ອງທີ່ມີຂໍ້ຄຳພີແລ້ວພະຍາຍາມຈື່ວ່າຂໍ້ນັ້ນເວົ້າແນວໃດ ຫຼືໃຫ້ເບິ່ງເບື້ອງທີ່ມີເນື້ອໃນແລ້ວພະຍາຍາມຈື່ວ່າມັນແມ່ນຂໍ້ຄຳພີໃດ.
a ສຳລັບຂໍ້ມູນກ່ຽວກັບການໃຊ້ຟີເຈີ້ນີ້ ໃຫ້ເບິ່ງວິດີໂອອົງການຂອງເຮົາເຮັດຫຍັງແດ່—ວິທີໃຊ້ແອັບ JW Library ໃນເວັບໄຊ jw.org. ພາສາໄທ