ວັນທີ 4-10 ມີນາ
ເພງສັນລະເສີນ 16-17
ເພງທີ 111 ແລະຄຳອະທິດຖານ | ຄຳນຳເປີດການປະຊຸມ (1 ນາທີ)
1. “ພະເຢໂຫວາ [ໃຫ້] ສິ່ງດີໆທັງໝົດໃນຊີວິດລູກ”
(10 ນາທີ)
ການເປັນໝູ່ກັບຄົນທີ່ຮັບໃຊ້ພະເຢໂຫວາເຮັດໃຫ້ເຮົາມີຄວາມສຸກ (ພສ 16:2, 3; ຫ18.12 ໜ້າ 23 ຂໍ້ 11)
ການຮູ້ວ່າພະເຢໂຫວາຍອມຮັບເຮົາເປັນໝູ່ເຮັດໃຫ້ເຮົາມີຄວາມສຸກ (ພສ 16:5, 6; w14-SI 15/2 ໜ້າ 29 ຫຍໍ້ໜ້າ 4)
ການຮູ້ວ່າພະເຢໂຫວາຈະປົກປ້ອງເຮົາບໍ່ໃຫ້ມີຫຍັງທຳລາຍຄວາມເຊື່ອເຮົາໄດ້ ເຮົາຈຶ່ງຮູ້ສຶກປອດໄພ (ພສ 16:8, 9; w08-SI 15/2 ໜ້າ 3 ຂໍ້ 2-3)
ຄືກັບດາວິດເຮົາມີຄວາມສຸກຫຼາຍຍ້ອນເຮົາໃຫ້ການນະມັດສະການພະເຢໂຫວາເປັນສິ່ງທີ່ສຳຄັນທີ່ສຸດໃນຊີວິດເຊິ່ງເພິ່ນເປັນພະເຈົ້າທີ່ໃຫ້ສິ່ງດີໆທັງໝົດກັບເຮົາ
ໃຫ້ຖາມໂຕເອງວ່າ: ‘ຊີວິດຂອງຂ້ອຍດີຂຶ້ນແນວໃດຕັ້ງແຕ່ໄດ້ຮູ້ຈັກຄວາມຈິງໃນຄຳພີໄບເບິນ?’
2. ຄວາມຮູ້ທີ່ມີຄ່າຈາກພະເຈົ້າ
(10 ນາທີ)
ພສ 17:8—ຄຳວ່າ “ໜ່ວຍຕາຂອງພະອົງ” ໃນຄຳພີໄບເບິນໝາຍຄວາມວ່າແນວໃດ? (it-2-E ໜ້າ 714)
ເຈົ້າໄດ້ຮັບປະໂຫຍດຫຍັງຈາກການອ່ານຄຳພີໄບເບິນໃນອາທິດນີ້?
3. ການອ່ານຄຳພີໄບເບິນ
(4 ນາທີ) ພສ 17:1-15 (ອສ ບົດຮຽນທີ 5)
4. ເລີ່ມລົມ
(1 ນາທີ) ຕາມບ້ານເຮືອນ. ໃຫ້ໃບເຊີນການປະຊຸມອະນຸສອນ. (ອສ ບົດຮຽນທີ 11)
5. ເລີ່ມລົມ
(3 ນາທີ) ຕາມບ້ານເຮືອນ. ໃຫ້ໃບເຊີນການປະຊຸມອະນຸສອນ. ເມື່ອຄົນນັ້ນສົນໃຈ ໃຫ້ແນະນຳແລະລົມກັນກ່ຽວກັບວິດີໂອລະນຶກເຖິງການເສຍຊີວິດຂອງພະເຢຊູ. (ອສ ບົດຮຽນທີ 9)
6. ເລີ່ມລົມ
(2 ນາທີ) ແບບບໍ່ເປັນທາງການ. ໃຫ້ໃບເຊີນການປະຊຸມອະນຸສອນ. (ອສ ບົດຮຽນທີ 2)
7. ສອນຄົນໃຫ້ເປັນລູກສິດ
(5 ນາທີ) ຊສຕ ບົດທີ 14 ຄຳນຳແລະ ຂໍ້ 1-3 (ອສ ບົດຮຽນທີ 6)
ເພງທີ 20
8. ເຮົາຈະກຽມໂຕແນວໃດສຳລັບການປະຊຸມອະນຸສອນ?
(15 ນາທີ) ບັນລະຍາຍແລະຖາມຄວາມຄິດເຫັນ.
ຍ້ອນເຮົາຢາກເຮັດຕາມຄຳສັ່ງຂອງພະເຢຊູ ໃນວັນທິດທີ 24 ເຮົາຈຶ່ງຕັ້ງໃຈລະນຶກເຖິງການຕາຍຂອງພະເຢຊູເຊິ່ງກ່ຽວຂ້ອງກັບຄວາມຮັກທີ່ຍິ່ງໃຫຍ່ຂອງພະເຈົ້າແລະພະເຢຊູທີ່ມີຕໍ່ພວກເຮົາ. (ລກ 22:19; ຢຮ 3:16; 15:13) ເຮົາຈະກຽມໂຕແນວໃດສຳລັບໂອກາດທີ່ພິເສດນີ້?
ມີສ່ວນຢ່າງເຕັມທີໃນໂຄງການພິເສດເພື່ອເຊີນຄົນມາຟັງຄຳບັນລະຍາຍພິເສດແລະເຂົ້າຮ່ວມປະຊຸມອະນຸສອນ. ໃຫ້ຈົດຊື່ຄົນທີ່ເຈົ້າຢາກເຊີນແລ້ວກໍເຊີນເຂົາເຈົ້າ. ຖ້າຄົນນັ້ນຢູ່ນອກເຂດປະຊາຄົມຂອງເຈົ້າ ໃຫ້ເຈົ້າຊອກຂໍ້ມູນໃນເວັບໄຊ jw.org ເພື່ອຈະຮູ້ເວລາແລະສະຖານທີ່ການປະຊຸມທີ່ຢູ່ເຂດຂອງເຂົາເຈົ້າ.
ເຮັດວຽກຮັບໃຊ້ໃຫ້ຫຼາຍຂຶ້ນໃນລະຫວ່າງເດືອນມີນາແລະເມສາ. ເຈົ້າສາມາດເປັນໄພໂອເນຍສົມທົບ 15 ຫຼື 30 ຊົ່ວໂມງໄດ້ບໍ?
ອ່ານເຫດການທີ່ສຳຄັນໃນອາທິດສຸດທ້າຍທີ່ພະເຢຊູມີຊີວິດຢູ່ເທິງໂລກ. ຕັ້ງແຕ່ວັນທີ 18 ມີນາຈະມີການເລີ່ມອ່ານຈາກ “ຕາຕະລາງການອ່ານຄຳພີໄບເບິນໃນໄລຍະການປະຊຸມອະນຸສອນປີ 2024” ຢູ່ໜ້າ 6-7. ເຈົ້າສາມາດລົມກັນວ່າຈະອ່ານຫຼາຍສ່ຳໃດໃນແຕ່ລະມື້.
ເບິ່ງລາຍການນະມັດສະການຕອນເຊົ້າສຳລັບວັນອະນຸສອນໃນເວັບໄຊ jw.org
ໃຫ້ຕ້ອນຮັບຄົນທີ່ມາເທື່ອທຳອິດແລະຄົນທີ່ເຊົາສົມທົບກັບປະຊາຄົມທີ່ມາການປະຊຸມອະນຸສອນ. ພະຍາຍາມລົມກັບເຂົາເຈົ້າ ຖ້າເຂົາເຈົ້າຢາກຮູ້ຫຍັງກໍຊ່ວຍອະທິບາຍກັບເຂົາເຈົ້າ. ພະຍາຍາມນັດກັບເຂົາເຈົ້າເພື່ອຈະຊ່ວຍເຂົາເຈົ້າໃຫ້ຮຽນຮູ້ຫຼາຍຂຶ້ນ.
ຈັດເວລາຄິດຕຶກຕອງເລື່ອງຄ່າໄຖ່ທັງກ່ອນແລະຫຼັງການປະຊຸມອະນຸສອນ.
ເປີດວິດີໂອ ລະນຶກເຖິງການເສຍຊີວິດຂອງພະເຢຊູ. ແລ້ວຖາມວ່າ:
ເຮົາຈະໃຊ້ວິດີໂອນີ້ແນວໃດໃນໄລຍະໂຄງການພິເສດເພື່ອການປະຊຸມອະນຸສອນ?
9. ການສຶກສາຄຳພີໄບເບິນປະຈຳປະຊາຄົມ
(30 ນາທີ)ຖຖ ບົດທີ 6 ຂໍ້ 18-24 ແລະຂອບໜ້າ 48