ຊີວິດຄລິດສະຕຽນ
ເສີມຄວາມເຊື່ອໃນຖ້ອຍຄຳຂອງພະເຈົ້າ
ຄຳພີໄບເບິນປ່ຽນຊີວິດເຮົາໄດ້. (ຮຣ 4:12) ຖ້າເຮົາຢາກໄດ້ປະໂຫຍດຈາກຄຳແນະນຳໃນຄຳພີໄບເບິນ ເຮົາຕ້ອງໝັ້ນໃຈວ່ານີ້ເປັນ “ຄຳສອນຂອງພະເຈົ້າ.” (1ທຊ 2:13) ເຮົາຈະເສີມຄວາມເຊື່ອໃນຄຳພີໄບເບິນໃຫ້ຫຼາຍຂຶ້ນໄດ້ແນວໃດ?
ອ່ານຄຳພີໄບເບິນທຸກມື້. ຕອນທີ່ອ່ານ ໃຫ້ຊອກຫາຫຼັກຖານທີ່ຊ່ວຍໃຫ້ເຈົ້າໝັ້ນໃຈວ່າພະເຢໂຫວາເປັນຜູ້ແຕ່ງປຶ້ມຫົວນີ້. ເຊັ່ນ ໃນປຶ້ມສຸພາສິດມີຄຳແນະນຳຫຼາຍຢ່າງທີ່ໃຊ້ໄດ້ແທ້ໃນຕອນນີ້ເຖິງວ່າຈະຂຽນມາດົນແລ້ວ.—ສຸພາ 13:20; 14:30
ສຶກສາສ່ວນໂຕ. ເຈົ້າຈະໄດ້ເຫັນຫຼັກຖານຕ່າງໆທີ່ພິສູດວ່າຄຳພີໄບເບິນມາຈາກພະເຈົ້າ. ໃນຄູ່ມືຄົ້ນຄວ້າສຳລັບພະຍານພະເຢໂຫວາ ໃຫ້ເບິ່ງທີ່ຫົວເລື່ອງ “ຄຳພີໄບເບິນ” ຈາກນັ້ນໄປທີ່ “ໄດ້ຮັບການດົນໃຈຈາກພະເຈົ້າ.” ແລະຖ້າເຈົ້າເບິ່ງທີ່ພາກຜະໜວກ ກ3 ໃນສະບັບແປໂລກໃໝ່ ເຈົ້າຈະແຮ່ງໝັ້ນໃຈຫຼາຍຂຶ້ນວ່າເນື້ອຫາໃນຄຳພີໄບເບິນບໍ່ປ່ຽນແປງ.
ເບິ່ງວິດີໂອເປັນຫຍັງເຮົາຈຶ່ງມີຄວາມເຊື່ອໃນ . . . ຄຳສອນຂອງພະເຈົ້າ ແລ້ວຕອບຄຳຖາມຕໍ່ໄປນີ້:
ການຄົ້ນພົບຮູບນູນເທິງກຳແພງວິຫານຢູ່ເມືອງຄານັກ ປະເທດເອຢິບ ເຮັດໃຫ້ໝັ້ນໃຈແນວໃດວ່າຄຳພີໄບເບິນເວົ້າຄວາມຈິງ?
ເຮົາຮູ້ໄດ້ແນວໃດວ່າເນື້ອຫາໃນຄຳພີໄບເບິນບໍ່ປ່ຽນແປງ?
ການທີ່ຄຳພີໄບເບິນຢູ່ລອດມາຈົນຮອດທຸກມື້ນີ້ພິສູດແນວໃດວ່ານີ້ເປັນຖ້ອຍຄຳຂອງພະເຈົ້າ?—ອ່ານເອຊາອີ 40:8