ສິ່ງ​ທີ່​ພະ​ເຢໂຫວາ​ສ້າງ​ເຮັດ​ໃຫ້​ເຮົາ​ໝັ້ນ​ໃຈ​ຫຼາຍ​ຂຶ້ນ​ໃນ​ສະຕິປັນຍາ​ຂອງ​ເພິ່ນ

ພະ​ເຢໂຫວາ​ຮູ້​ວ່າ​ອັນ​ໃດ​ດີ​ທີ່​ສຸດ​ສຳລັບ​ເຮົາ ຖ້າ​ເຮົາ​ໝັ້ນ​ໃຈ​ແບບ​ນັ້ນ​ເຮົາ​ກໍ​ຈະ​ເຮັດ​ຕາມ​ຄຳ​ແນະນຳ​ຂອງ​ເພິ່ນ​ເຊິ່ງ​ເປັນ​ເລື່ອງ​ທີ່​ສະຫຼາດ. (ສຸພາ 16:3, 9) ແຕ່ຖ້າ​ຄວາມ​ຄິດ​ຂອງ​ເຮົາ​ບໍ່​ກົງ​ກັບ​ຄຳ​ແນະນຳ​ຂອງ​ພະ​ເຢໂຫວາ ກໍ​ອາດ​ຈະ​ເປັນ​ເລື່ອງ​ຍາກ​ທີ່​ຈະ​ເຮັດ​ຕາມ​ຄຳ​ແນະນຳ​ຂອງ​ເພິ່ນ. ດັ່ງ​ນັ້ນ ສິ່ງ​ທີ່​ຈະ​ຊ່ວຍ​ເຮົາ​ໄດ້​ກໍ​ຄື​ການ​ຄິດ​ຕຶກຕອງ​ສິ່ງ​ຕ່າງໆທີ່​ພະ​ເຢໂຫວາ​ສ້າງ​ເຊິ່ງ​ສາມາດ​ຊ່ວຍໃຫ້​ເຮົາ​ໄວ້​ໃຈ​ໃນ​ສະຕິປັນຍາ​ຂອງ​ເພິ່ນ.—ສຸພາ 30:24, 25; ໂຣມ 1:20

ເບິ່ງ​ວິດີໂອ​ມີ​ຜູ້​ອອກ​ແບ​ບບໍ? ເປັນ​ຫຍັງ​ມົດ​ຈຶ່ງ​ບໍ່​ມີ​ບັນຫາ​ເລື່ອງການຈະລາຈອນຕິດຂັດ? ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ສ່ວນ​ຫຼາຍ​ມົດ​ເຮັດ​ຫຍັງ​ໃນ​ແຕ່​ລະ​ມື້?

• ມົດ​ເຮັດ​ແນວ​ໃດ​ຈຶ່ງ​ບໍ່​ມີ​ບັນຫາ​ເລື່ອງ​ການ​ຈະ​ລາ​ຈອນ​ຕິດ​ຂັດ

• ຄົນ​ເຮົາ​ຢາກ​ຮຽນ​ແບບ​ອັນ​ໃດ​ເລື່ອງ​ການ​ຈະ​ລາ​ຈອນ​ຂອງ​ມົດ?

ເບິ່ງ​ວິດີໂອ​ມີ​ຜູ້​ອອກ​ແບບ​ບໍ​?​ ການ​ບິນ​ຂອງ​ເຜີ້ງ​ບຳເບິນບີ ແລ້ວ​ຕອບ​ຄຳຖາມ​ຕໍ່​ໄປ​ນີ້:

• ຍົນ​ທີ່​ມີ​ຂະໜາດ​ນ້ອຍ​ມັກ​ເຈິ​ກັບ​ບັນຫາ​ຫຍັງ​ຕອນ​ທີ່​ບິນ?

• ເຜີ້ງ​ບຳເບິນບີ​ເຮັດ​ແນວ​ໃດ​ຕອນ​ທີ່​ເຈິ​ກັບ​ລົມ​ແຮງໆ?

• ໃນ​ອະນາຄົດ​ຄົນ​ເຮົາ​ອາດ​ຮຽນ​ແບບ​ເຜີ້ງ​ບຳເບິນບີ​ໃນ​ທາງ​ໃດ​ແດ່?

ສິ່ງ​ຕ່າງໆທີ່​ພະ​ເຢໂຫວາ​ສ້າງ​ຢູ່​ອ້ອມ​ຮອບ​ໂຕ​ເຈົ້າ​ສະແດງ​ໃຫ້​ເຫັນ​ແນວ​ໃດ​ວ່າ​ເພິ່ນ​ມີ​ສະຕິປັນຍາ?