ຊີວິດຄລິດສະຕຽນ
ພະເຢໂຫວາປົກປ້ອງປະຊາຊົນຂອງພະອົງ
ການສະຫຼອງປັດສະຄາເທື່ອທຳອິດເປັນເຫດການທີ່ສຳຄັນຫຼາຍ. ໃນຄືນນັ້ນ ຫຼັງຈາກທີ່ຟາໂຣເຫັນວ່າລູກຊາຍກົກຂອງລາວຕາຍ ລາວຈຶ່ງສັ່ງໂມເຊວ່າ: “ໄປໃຫ້ພົ້ນຈາກພວກເຮົາ ໄປໃຫ້ພົ້ນທັງເຈົ້າກັບຄົນອິດສະຣາເອນຄົນອື່ນໆ ຟ້າວໄປນະມັດສະການພະເຢໂຫວາຕາມທີ່ຂໍໄວ້.” (ອົບ 12:31, ລ.ມ.) ພະເຢໂຫວາເຮັດໃຫ້ເຫັນວ່າພະອົງປົກປ້ອງປະຊາຊົນຂອງພະອົງ.
ເມື່ອເຮົາເບິ່ງປະຫວັດສາດຂອງປະຊາຊົນຂອງພະເຢໂຫວາ ມີຫຼັກຖານທີ່ຈະແຈ້ງວ່າພະເຢໂຫວາຊີ້ນຳແລະປົກປ້ອງເຂົາເຈົ້າຢູ່. ເລື່ອງນີ້ຖືກວາງສະແດງໄວ້ໃນພິພິທະພັນທີ່ຊື່ວ່າ “ປະຊາຊົນທີ່ໃຊ້ຊື່ຂອງພະເຢໂຫວາ” ຢູ່ສຳນັກງານໃຫຍ່.
ເບິ່ງວິດີໂອຢ້ຽມຊົມພິພິທະພັນທີ່ວໍວິກ—“ປະຊາຊົນທີ່ໃຊ້ຊື່ຂອງພະເຢໂຫວາ” ແລ້ວຕອບຄຳຖາມຕໍ່ໄປນີ້:
ໃນຕົ້ນປີ 1914 ນັກສຶກສາຄຳພີໄບເບິນໃຊ້ເຄື່ອງມືຫຍັງເພື່ອຊ່ວຍຜູ້ຄົນໃຫ້ເຂົ້າໃຈຄຳພີໄບເບິນ ແລະວິທີນີ້ເກີດຜົນດີແນວໃດ?
ມີການທົດສອບຄວາມເຊື່ອຫຍັງແດ່ໃນປີ 1916 ແລະ 1918 ແລະມີຫຼັກຖານຫຍັງທີ່ສະແດງວ່າພະເຢໂຫວາຊີ້ນຳອົງການຂອງພະອົງ?
ປະຊາຊົນຂອງພະເຢໂຫວາຮັກສາຄວາມສັດຊື່ໄດ້ແນວໃດເມື່ອຖືກຕໍ່ຕ້ານ?
ໃນປີ 1935 ປະຊາຊົນຂອງພະເຢໂຫວາມີຄວາມເຂົ້າໃຈໃໝ່ໃນເລື່ອງຫຍັງ ແລະເລື່ອງນີ້ມີຜົນຕໍ່ເຂົາເຈົ້າແນວໃດ?
ຖ້າເຈົ້າໄດ້ໄປຢ້ຽມພິພິທະພັນນີ້ ເຈົ້າເຫັນຫຍັງແດ່ທີ່ເຮັດໃຫ້ເຈົ້າເຊື່ອວ່າພະເຢໂຫວາກຳລັງຊີ້ນຳແລະປົກປ້ອງປະຊາຊົນຂອງພະອົງ?