ຊີວິດຄລິດສະຕຽນ
ເຈົ້າກໍປະກາດແລະສອນໄດ້!
ທຳອິດຕອນທີ່ໂມເຊໄດ້ຮັບວຽກມອບໝາຍຈາກພະເຢໂຫວາ ລາວຄິດວ່າຕົວເອງຈະເຮັດວຽກນັ້ນບໍ່ໄດ້. (ອົບ 4:10, 13) ເຈົ້າເຄີຍຮູ້ສຶກແນວນັ້ນບໍ? ເຈົ້າກຳລັງສຶກສາຄຳພີໄບເບິນກັບພະຍານພະເຢໂຫວາຢູ່ບໍ? ເຈົ້າສົງໄສບໍວ່າຕົວເອງຈະເຮັດວຽກປະກາດໄດ້ຫຼືບໍ່? ບາງເທື່ອເຈົ້າອາດຮູ້ສຶກວ່າຕົວເອງຍັງນ້ອຍໂພດແລະບໍ່ກ້າປະກາດກັບໝູ່ຢູ່ໂຮງຮຽນ. ເຈົ້າອາດຢ້ານທີ່ຈະປະກາດທາງໂທລະສັບຫຼືປະກາດສາທາລະນະໃນບາງຮູບແບບ. ໃຫ້ຂໍພະລັງບໍລິສຸດຈາກພະເຢໂຫວາເພື່ອຊ່ວຍເຈົ້າໃຫ້ມີຄວາມກ້າຫານ. (1ປຕ 4:11) ຂໍໃຫ້ໝັ້ນໃຈວ່າພະອົງສາມາດຊ່ວຍເຈົ້າໃຫ້ເຮັດວຽກມອບໝາຍທຸກຢ່າງໄດ້ສຳເລັດ.—ອົບ 4:11, 12
ເບິ່ງວິດີໂອຂໍໃຫ້ກ້າຫານຕໍ່ໆໄປ . . . ຜູ້ປະກາດ ແລ້ວຕອບຄຳຖາມຕໍ່ໄປນີ້:
ພີ່ນ້ອງອາໂອຢາມະມີບັນຫາຫຍັງ?
ອັນໃດຊ່ວຍລາວໃຫ້ມີກຳລັງແລະຄວາມກ້າຫານ?—ຢເຣ 20:7-9
ລາວໄດ້ຮັບປະໂຫຍດແນວໃດຈາກການພະຍາຍາມຫຼາຍຂຶ້ນເພື່ອຮັບໃຊ້ພະເຢໂຫວາ?
ພະເຢໂຫວາຊ່ວຍເຈົ້າໃຫ້ເອົາຊະນະບັນຫາຫຍັງແດ່ເພື່ອເຮັດວຽກຮັບໃຊ້?