ຊີວິດຄລິດສະຕຽນ
ຕົວຢ່າງຈົດໝາຍ
ຂຽນທີ່ຢູ່ຂອງເຈົ້າເພື່ອສາມາດຕິດຕໍ່. ຖ້າເຈົ້າຄິດວ່າບໍ່ສະຫຼາດທີ່ຈະບອກທີ່ຢູ່ຂອງເຈົ້າ ເຈົ້າອາດໃຫ້ທີ່ຢູ່ຂອງຫໍປະຊຸມຖ້າຜູ້ເຖົ້າແກ່ອະນຸຍາດ. ແຕ່ເຈົ້າບໍ່ຄວນໃຊ້ທີ່ຢູ່ຂອງສຳນັກງານສາຂາ.
ຂຽນຊື່ຄົນນັ້ນຖ້າເຈົ້າຮູ້ຈັກ. ນີ້ຈະຊ່ວຍບໍ່ໃຫ້ເຈົ້າຂອງບ້ານຄິດວ່າຈົດໝາຍນີ້ເປັນການໂຄສະນາ.
ພະຍາຍາມສະກົດຄຳ ໃຊ້ຫຼັກໄວຍາກອນແລະເຄື່ອງໝາຍວັກຕອນໃຫ້ຖືກຕ້ອງ. ຈົດໝາຍຄວນຂຽນໃຫ້ຮຽບຮ້ອຍແລະສະອາດງາມຕາ. ຖ້າຂຽນດ້ວຍມືຄວນຂຽນໃຫ້ອ່ານໄດ້ງ່າຍ. ຄຳທີ່ໃຊ້ບໍ່ຄວນເປັນກັນເອງເກີນໄປ ຫຼືເປັນທາງການເກີນໄປ.
ຕົວຢ່າງຈົດໝາຍທີ່ແນບມານີ້ສະແດງໃຫ້ເຫັນວິທີຂຽນຕາມຈຸດຕ່າງໆທີ່ໄດ້ກ່າວມາ. ແຕ່ບໍ່ໄດ້ໃຫ້ກ່າຍເອົາທຸກຄຳເມື່ອຂຽນຈົດໝາຍເຖິງຄົນໃນເຂດປະກາດຂອງເຈົ້າ. ໃຫ້ປັບຈົດໝາຍຕາມຈຸດປະສົງ ສະພາບການແລະທຳນຽມທ້ອງຖິ່ນຂອງເຈົ້າ.