ຊີວິດຄລິດສະຕຽນ
ພະເຍຊູຕາຍເພື່ອພີ່ນ້ອງຂອງເຈົ້າຄືກັນ
ພະເຍຊູສະລະຊີວິດເພື່ອມະນຸດບໍ່ສົມບູນ. (ໂລມ 5:8) ເຮົາຄົງຈະຮູ້ຄຸນຄ່າທີ່ພະເຍຊູສະແດງຄວາມຮັກຂອງເພິ່ນຕໍ່ເຮົາໂດຍສະລະຊີວິດເພື່ອເຮົາ. ແນວໃດກໍຕາມ ບາງຄັ້ງເຮົາຕ້ອງເຕືອນຕົວເອງວ່າພະຄລິດຕາຍເພື່ອພີ່ນ້ອງຂອງເຮົາຄືກັນ. ເຮົາຈະສະແດງຄວາມຮັກແບບພະຄລິດຕໍ່ພີ່ນ້ອງທີ່ບໍ່ສົມບູນຄືກັບເຮົາໄດ້ແນວໃດ? ມີ 3 ວິທີຄື: ທຳອິດ ເຮົາຕ້ອງເປີດໃຈໃຫ້ກວ້າງຕໍ່ໝູ່ເພື່ອນເຊິ່ງລວມເຖິງຜູ້ທີ່ມີພູມຫຼັງແຕກຕ່າງຈາກເຮົາ. (ໂລມ 15:7; 2 ໂກ. 6:12, 13) ວິທີທີ່ສອງ ເຮົາຕ້ອງລະວັງຄຳເວົ້າແລະການກະທຳທີ່ອາດເຮັດໃຫ້ຄົນອື່ນເຈັບໃຈ. (ໂລມ 14:13-15) ວິທີທີ່ສາມ ຖ້າບາງຄົນເຮັດຜິດຕໍ່ເຮົາ ເຮົາຕ້ອງຟ້າວໃຫ້ອະໄພທັນທີ. (ລືກາ 17:3, 4; 23:34) ຖ້າເຮົາພະຍາຍາມຮຽນແບບພະເຍຊູໃນວິທີເຫຼົ່ານີ້ ພະເຢໂຫວາຈະອວຍພອນປະຊາຄົມໃຫ້ມີສັນຕິສຸກແລະເປັນນ້ຳໜຶ່ງໃຈດຽວກັນ.
ຂໍໃຫ້ເບິ່ງວິດີໂອເຮັດຕົວໃຫ້ເປັນພີ່ນ້ອງທີ່ໜ້າຮັກຫຼາຍຂຶ້ນ! ແລ້ວຕອບຄຳຖາມຕໍ່ໄປນີ້:
ໃນຕອນທຳອິດມິກິຮູ້ສຶກແນວໃດຕໍ່ປະຊາຄົມຂອງລາວ?
ອັນໃດເປັນສາເຫດເຮັດໃຫ້ລາວປ່ຽນຄວາມຮູ້ສຶກ?
ຕົວຢ່າງຂອງພະເຍຊູຊ່ວຍມິກິໃຫ້ປັບປ່ຽນຄວາມຄິດຂອງລາວແນວໃດ? (ມໂກ. 14:38)
ສຸພາສິດ 19:11 ຊ່ວຍເຮົາໃຫ້ເບິ່ງພີ່ນ້ອງຮ່ວມຄວາມເຊື່ອໃນແງ່ບວກແນວໃດ?