ຊີວິດຄລິດສະຕຽນ
“ສິ່ງທີ່ພະເຈົ້າຜູກໄວ້ຄູ່ກັນແລ້ວ . . . ”
ຕາມກົດໝາຍຂອງໂມເຊຮຽກຮ້ອງໃຫ້ຜູ້ທີ່ຈະຢ່າຮ້າງຕ້ອງເຮັດໜັງສືການຢ່າຮ້າງ. ກົດໝາຍນີ້ຊ່ວຍບໍ່ໃຫ້ຢ່າຮ້າງກັນໄວເກີນໄປ. ແນວໃດກໍຕາມ ໃນສະໄໝຂອງພະເຍຊູ ພວກຫົວໜ້າສາສະໜາເຮັດໃຫ້ການຢ່າຮ້າງກັນເປັນເລື່ອງທີ່ເຮັດໄດ້ງ່າຍໆ. ເຂົາເຈົ້າໃຫ້ຜູ້ຊາຍສາມາດຢ່າຮ້າງເມຍໄດ້ໃນທຸກກໍລະນີ. (nwtsty-E ຂໍ້ມູນສຳລັບສຶກສາ ມໂກ. 10:4, 11) ພະເຍຊູໄດ້ເນັ້ນຄວາມຈິງທີ່ວ່າພະເຢໂຫວາເປັນຜູ້ກໍ່ຕັ້ງການແຕ່ງດອງຂຶ້ນມາ. (ມໂກ. 10:2-12) ຜົວເມຍຕ້ອງເປັນ “ເນື້ອອັນດຽວກັນ” ໃນສາຍສຳພັນທີ່ຖາວອນ. ໃນຄຳພີໄບເບິນອະນຸຍາດສະເພາະກໍລະນີດຽວເທົ່ານັ້ນທີ່ໃຫ້ຢ່າຮ້າງໄດ້ ຕາມທີ່ບອກໄວ້ໃນມັດທາຍກໍຄືການ “ກະທຳຜິດຫຼິ້ນຊູ້.”—ມັດ. 19:9
ໃນທຸກມື້ນີ້ ຫຼາຍຄົນບໍ່ໄດ້ເບິ່ງເລື່ອງການແຕ່ງດອງຄືກັບທີ່ພະເຍຊູເບິ່ງ ແຕ່ເຂົາເຈົ້າເບິ່ງຄືກັບພວກຫົວໜ້າສາສະໜາ. ເມື່ອເກີດບັນຫາ ຫຼາຍຄົນໃນໂລກນີ້ກໍຢ່າຮ້າງກັນຢ່າງໄວວາ ເຊິ່ງແຕກຕ່າງຫຼາຍແທ້ໆຈາກຄູ່ຜົວເມຍທີ່ເປັນພະຍານພະເຢໂຫວາ ເຂົາເຈົ້າຈິງຈັງໃນເລື່ອງການແຕ່ງດອງແລະພະຍາຍາມທີ່ຈະເອົາຊະນະບັນຫາໂດຍໃຊ້ຫຼັກການຈາກຄຳພີໄບເບິນ. ຫຼັງຈາກເບິ່ງວິດີໂອເລື່ອງຄວາມຮັກແລະຄວາມນັບຖືເຮັດໃຫ້ຄອບຄົວກົມກຽວ ແລ້ວໃຫ້ຕອບຄຳຖາມຕໍ່ໄປນີ້:
ເຈົ້າຈະໃຊ້ຫຼັກການທີ່ສຸພາສິດ 15:1 ໃນຊີວິດສົມລົດຂອງເຈົ້າແນວໃດ ແລະເປັນຫຍັງເລື່ອງນີ້ຈຶ່ງສຳຄັນ?
ໂດຍໃຊ້ຫຼັກການໃນສຸພາສິດ 19:11 ຈະຊ່ວຍເຈົ້າໃຫ້ຫຼີກລ່ຽງບັນຫາໄດ້ແນວໃດ?
ຖ້າເບິ່ງຄືວ່າຊີວິດຄູ່ຂອງເຈົ້າຈະໄປບໍ່ລອດ ແທນທີ່ຈະຄິດວ່າ: ‘ຂ້ອຍຈະຢ່າຮ້າງເລີຍດີບໍ?’ ແຕ່ເຈົ້າຄວນຄິດເຖິງຄຳຖາມຫຍັງ?
ໂດຍນຳໃຊ້ຫຼັກການໃນມັດທາຍ 7:12 ເຈົ້າຈະເປັນຜົວຫຼືເມຍທີ່ດີຂຶ້ນໄດ້ແນວໃດ?