ຊ້າຍ: ສະມາຊິກຄອບຄົວເບເທນບຸກລິນສະຫຼອງຄລິດສະມາດຄັ້ງສຸດທ້າຍໃນປີ 1926; ຂວາ: ຜູ້ຄົນສັງເກດວ່າພະຍານພະເຢໂຫວາແຕກຕ່າງຈາກຄົນອື່ນ
ຕອນ 3
ມາດຕະຖານທີ່ລາຊະອານາຈັກຕັ້ງໄວ້ ສະແຫວງຫາຄວາມຖືກຕ້ອງຊອບທຳຂອງພະເຈົ້າ
ເຈົ້າສັງເກດວ່າໄລຍະນີ້ເພື່ອນບ້ານມັກເບິ່ງເຈົ້າແລະຄົນໃນຄອບຄົວຕະຫຼອດ ເມື່ອເຈົ້າຍ່າງຜ່ານໜ້າບ້ານລາວແລະຍິ້ມໃຫ້ ລາວກໍຍິ້ມຕອບແລະກວັກມືເອີ້ນເຈົ້າ ແລ້ວເວົ້າວ່າ: “ຂ້ອຍຂໍຖາມແດ່ໄດ້ບໍ ເປັນຫຍັງຄອບຄົວເຈົ້າບໍ່ຄືກັບຄອບຄົວອື່ນ?” ເຈົ້າຈຶ່ງຖາມຄືນວ່າ: “ບໍ່ຄືແນວໃດ?” ລາວກໍເວົ້າວ່າ: “ພວກເຈົ້າທີ່ເປັນພະຍານພະເຢໂຫວາຕ່າງຈາກຄົນທີ່ນັບຖືສາສະໜາອື່ນຫຼາຍ ເຈົ້າບໍ່ສະຫຼອງວັນເກີດ ບໍ່ມີສ່ວນໃນການເມືອງແລະສົງຄາມ ບໍ່ສູບຢາ ແລະຄອບຄົວເຈົ້າກໍເບິ່ງຄືເປັນຄົນດີມີສິນລະທຳ. ສິ່ງໃດເຮັດໃຫ້ພວກເຈົ້າຕ່າງຈາກຄົນອື່ນຂະໜາດນີ້?”
ເຈົ້າຮູ້ວ່າຄຳຕອບນັ້ນກໍຄື: ເພາະເຮົາເປັນປະຊາຊົນທີ່ຢູ່ພາຍໃຕ້ການປົກຄອງຂອງພະເຈົ້າ. ເມື່ອພະເຍຊູເປັນກະສັດເພິ່ນຈະເຮັດໃຫ້ເຮົາສະອາດ ພະເຍຊູກຳລັງຊ່ວຍເຮົາໃຫ້ຍ່າງຕາມຮອຍຕີນຂອງເພິ່ນ ເຮົາຈຶ່ງແຕກຕ່າງຈາກຄົນໃນໂລກຊົ່ວນີ້ຢ່າງເຫັນໄດ້ແຈ້ງ. ໃນຕອນຕໍ່ໄປນີ້ເຮົາຈະເຫັນວິທີທີ່ກະສັດເມຊີຫຼໍ່ຫຼອມປະຊາຊົນຂອງພະເຈົ້າໃຫ້ສະອາດທາງດ້ານການນະມັດສະການ ສິນລະທຳ ແລະອົງການ ເພື່ອເຮັດໃຫ້ພະເຢໂຫວາໄດ້ຮັບກຽດ.