ປົກໃນ
ເຖິງໜຸ່ມສາວທີ່ຮັກ
ພະເຢໂຫວາພະເຈົ້າເຊິ່ງເປັນພໍ່ທີ່ຢູ່ທາງພາກສະຫວັນຮັກພວກເຈົ້າຫຼາຍ. ພະອົງຕ້ອງການໃຫ້ເຈົ້າມີຄວາມສຸກ. ເຈົ້າອາດສົງໄສວ່າ ‘ແຕ່ເປັນໄປໄດ້ແທ້ໆບໍທີ່ຈະມີຄວາມສຸກໃນປັດຈຸບັນນີ້?’ ນັ້ນເປັນຄຳຖາມທີ່ດີ ເພາະວ່າເຮົາປະສົບກັບຄວາມຫຍຸ້ງຍາກຫຼາຍຢ່າງໃນຊີວິດ. ເບິ່ງຄືວ່າສິ່ງທ້າທາຍຕ່າງໆເກີດຂຶ້ນທຸກມື້ເຊິ່ງສາມາດປຸ້ນເອົາຄວາມຍິນດີຂອງເຮົາ. ແຕ່ພໍ່ຜູ້ປ່ຽມດ້ວຍຄວາມຮັກຈະຊ່ວຍພວກເຮົາ! ພະຄຳຂອງພະອົງໃຫ້ການຊີ້ນຳທີ່ເຮົາຕ້ອງການເພື່ອຈະເດີນເຮືອແຫ່ງຊີວິດໃນທະເລທີ່ປັ່ນປ່ວນ. ເຖິງແມ່ນວ່າຄຳພີໄບເບິນຂຽນໄດ້ດົນນານມາແລ້ວກໍຕາມ ຄຳແນະນຳໃນຄຳພີໄບເບິນຍັງໃຊ້ການໄດ້ໃນທຸກມື້ນີ້ເຊັ່ນດຽວກັບທີ່ຂຽນຂຶ້ນໃນຕອນທຳອິດ.—ຄຳເພງ 119:98, 99; 2 ຕີໂມເຕ 3:16, 17.
ພວກເຮົາຈັດກຽມປຶ້ມຫົວນີ້ຍ້ອນວ່າພວກເຮົາຮັກເຈົ້າ. ພວກເຮົາຕ້ອງການໃຫ້ເຈົ້າມີຄວາມສຸກແລະໄດ້ຮັບສິ່ງທີ່ດີທີ່ສຸດໃນຊີວິດ. ພວກເຮົາສະໜັບສະໜູນເຈົ້າບໍ່ແມ່ນພຽງແຕ່ໃຫ້ອ່ານຕັ້ງແຕ່ໜ້າທຳອິດຈົນຮອດໜ້າສຸດທ້າຍເທົ່ານັ້ນ ແຕ່ໃຫ້ເບິ່ງຄືນໃນປຶ້ມຫົວນີ້ສະເໝີເມື່ອມີບັນຫາເກີດຂຶ້ນ. ຈຸດປະສົງຢ່າງໜຶ່ງຂອງປຶ້ມຫົວນີ້ແມ່ນສົ່ງເສີມການສື່ຄວາມທີ່ດີລະຫວ່າງເຈົ້າກັບພໍ່ແມ່. ພວກເຮົາຫວັງເປັນຢ່າງຍິ່ງວ່າເຈົ້າແລະພໍ່ແມ່ຈະອ່ານຫຼືແມ່ນແຕ່ສຶກສາບາງສ່ວນນຳກັນ. ໃຫ້ສວຍເອົາປະໂຫຍດຈາກສະຕິປັນຍາແລະປະສົບການຂອງພໍ່ແມ່!
ຂໍໃຫ້ປະສົບຜົນສຳເລັດ
ຄະນະກຳມະການປົກຄອງຂອງພະຍານພະເຢໂຫວາ