Lisukulu ya ntina mingi

Nzambe andimaka mangomba nyonso?

Bato mingi balandaka lingomba ya baboti na bango. Bamosusu, baponaka lingomba oyo balingi kolanda ntango bakoli. Ntembe ezali te, mangomba ezali mingi. Ntango mosusu osilá komituna boye: ‘Ezali mpenza na ntina napona lingomba?’

Lisukulu ya bato nyonso oyo ezali na motó ya likambo: “Nzambe andimaka mangomba nyonso?” Ekopesa eyano na motuna yango. Lisukulu yango ekosalema na mokili mobimba na bikólo koleka 230. Na bisika mingi, lisukulu yango ekosalema na mokolo ya Lomingo 26 Aprili 2009 na Bandako ya Bokonzi ya Batatoli ya Yehova. Batatoli ya Yehova na esika ofandi bakosepela kopesa yo adrɛsi mpe ngonga oyo lisukulu yango ekosalema. Tobengi yo oya koyangana na biso.