Maloba na nse ya lokasa

a Liboso ya mbongwana oyo ebandisaki boyangeli ya Bakoministe na Ɔkɔtɔbɛ 1917, Russie ezalaki kosalela manaka ya kala ya Jules César, kasi mikili mingi ekómaki kosalela manaka ya Grégoire. Na 1917, esengelaki kobakisa mikolo 13 na manaka ya Jules César mpo ekokana na manaka ya Grégoire. Na eleko ya Bakoministe, Union soviétique eponaki kosalela manaka ya Grégoire; na ndenge yango, Russie ekómaki kotánga mikolo ndenge moko na bikólo mosusu. Nzokande, Lingomba ya Ɔrtɔdokse ezalaki kaka kolanda manaka ya Jules César mpo na oyo etali mikolo na yango ya bafɛti, mpe bakómaki kobenga yango “manaka ya kala.” Yango wana, okoki koyoka ete na Russie, basalaka fɛti ya Noele na mokolo ya 7 Yanuali. Kasi, kobosana te ete mokolo ya 7 Yanuali na manaka ya Grégoire ezali nde mokolo ya 25 Desɛmbɛ na manaka ya Jules César. Yango wana, bato mingi ya Russie bakabolaka mikolo ya bafɛti yango boye: Mokolo ya 25 Desɛmbɛ, Noele na ndenge ya bato ya Mpoto; mokolo ya 1 Yanuali, Bonane; mokolo ya 7 Yanuali, Noele na kolanda Lingomba ya Ɔrtɔdɔkse; mokolo ya 14 Yanuali, Bonane na kolanda manaka ya kala.