Maloba na nse ya lokasa

a Ezali mpo na Bafalisai nde losambo ya Bayuda na mikolo na biso ezali lolenge yango ezali lelo; na bongo ezali likambo ya kokamwa te ete kino lelo lingomba ya Bayuda elukaka banzela ya komilóngisa kati na bipekiseli na yango oyo ebakisami likoló na Sabata. Na ndakisa, moto oyo akei na lopitalo moko ya Bayuda akoki komona etómbola (ascenceur) ezali kotɛlɛma yango moko na etazi mokomoko mpo ete baoyo bamati kati na yango bázwa “mosala” ya lisumu te na kofináká butó ya etómbola. Minganga mosusu oyo bazali basangani ya lingomba ya Ortodoksi bakomelaka bato nkisi na kosaleláká mai ya mokanda oyo ekoki kobomama nsima ya mwa mikolo. Mpo na nini? Mishnah etalelaka kokoma lokola “mosala,” kasi epesi ndimbola ete “kokoma” ezali bongo kotya bilembo oyo bikoki kotikala libela.