MAKAMBO YA MOTUYA NA LILOBA YA NZAMBE | KOBIMA 33-34

Bizaleli ya Yehova oyo ebendaka biso epai na ye

Lokola Moize ayebaki malamu bizaleli ya Yehova, yango esalisaki ye amonisela Bayisraele motema molai. Ndenge moko mpe, soki toyebi bizaleli ya Yehova malamumalamu, yango ekoki kosalisa biso tómonisela bandeko na biso bakristo motema mawa.

‘Motema mawa mpe ngɔlu’: Yehova alingaka basaleli na ye mpe akipaka bango, kaka ndenge baboti balingaka bana na bango mpe bakipaka bango
“Ayokaka nkanda noki te”: Yehova amoniselaka basaleli na ye motema molai ntango basalaka mabunga mpe atikelaka bango ntango mpo bábongwana
“Atondi na motema boboto”: Yehova amoniselaka basaleli na ye bolingo ya sembo oyo ezangi nsuka

Bililingi: Batatoli ya Yehova bamekolaka bizaleli ya Yehova. 1. Bankulutu mibale bayei kotala libota moko na ndako na bango mpe bazali kosolola na bango makanisi ya kolendisa ya Biblia. 2. Ndeko mwasi moko azali kobɔndisa ndeko mwasi oyo azali kolela.

OMITUNA BOYE: ‘Ndenge nini nakoki komonisela basusu motema mawa mpe ngɔlu lokola Yehova?’