“Bókoba kokanisa makambo wana”

Makambo nini? Bafilipi 4:8 elobi tókanisa makambo oyo ezali solo, ya lokumu, ya boyengebene, ya pɛto, oyo ekoki kolingama, oyo elobelami malamu, oyo ezaleli moko ya malamu ezali, mpe oyo ebongi kokumisama. Yango elingi koloba te ete mokristo asengeli ntango nyonso kokanisa kaka makambo ya Biblia. Ata bongo, makanisi na biso esengeli kosepelisaka Yehova. Esengeli te kolɛmbisa ekateli na biso ya kotikala sembo epai na ye.​—Nz 19:14.

Koboya makanisi mabe ezalaka pɛtɛɛ te. Tosengeli kotɛmɛla nzoto na biso ya kozanga kokoka mpe Satana, “nzambe ya makambo ya ntango oyo.” (2Ko 4:4) Lokola ye nde atambwisaka makambo etali kopanza-nsango, mingi ya makambo oyo ezalaka na televizyo, na radio, na Internet, na babuku to na bazulunalo, ezalaka ya malamu te. Soki tozali kopona te makambo ya tokotondisa na bɔɔngɔ na biso, makanisi na biso ekobeba mpe nsukansuka bizaleli na biso mpe ekobeba.​—Yk 1:14, 15.

TALÁ VIDEO BOYÁ MAKAMBO OYO EBEBISAKA BOSEMBO YA MOTO​—KOMINANOLA YA MABE, MPE NA NSIMA YANOLÁ NA MITUNA OYO:

• 

  Ndeko mobali yango azalaki kotala nini na telefone na ye, mpe yango esalaki ye nini?

• 

  Ndenge nini Bagalatia 6:7, 8 mpe Nzembo 119:37 esalisaki ye?