MAKAMBO YA MOTUYA NA LILOBA YA NZAMBE | 1 BAKORINTI 14-16

Nzambe akozala “makambo nyonso epai ya moto nyonso”

Bomoi kitoko ezali kozela baoyo bazali sembo epai ya Yehova. Ntango toyebisaka basusu elikya na biso na esengo nyonso, bilaka ya Yehova ekɔtaka mpenza na mitema na biso. Ntoma Paulo alendisaki baninga na ye bakristo bákanisa ntango boyangeli ya mbula nkóto ya Kristo ekosuka, ntango Yehova akozala “makambo nyonso epai ya moto nyonso.”

Baanzelu bazali kobatela basaleli ya Yehova na ntango ya bolɔzi monene; bato bazali na Paradiso; Yesu alongoli motole na ye mpe azongisi Bokonzi epai ya Yehova Nzambe

Na mapamboli oyo ekoya, oyo wapi esepelisaka yo mingi koleka mpe mpo na nini?

Nini endimisaka yo ete bilaka ya Nzambe ekokokisama?