Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 1 Augusto

“Bato mingi bakanisaka ete bato nyonso ya malamu bakokende na likoló. Yo mpe okanisaka bongo? [Tiká ye apesa eyano.] Yoká oyo Biblia ezali koloba mpo na mabelé. [Tángá Nzembo 37:11, 29.] Lisolo oyo elobeli makambo oyo Yesu ateyaki mpo na avenire ya bato awa na mabelé.” Lakisá lisolo oyo ebandi na lokasa 22.

Lamuká! Augusto

“Ezali na makambo mingi te oyo esalaka biso mpasi koleka mpasi oyo toyokaka soki moboti na biso akufi. Yo mpe okanisaka bongo? [Tiká ye apesa eyano.] Bato mingi babɔndisamaki na bavɛrsɛ lokola oyo. [Tángá Emoniseli 21:4.] Lisolo oyo emonisi ndenge oyo moto, mingimingi elenge, akoki kolonga mpasi oyo toyokaka soki moboti na biso akufi.” Lakisá lisolo oyo ebandi na lokasa 10.

Linɔ́ngi ya Mosɛnzɛli 1 Sɛtɛmbɛ

“Bato mingi balobaka ete soki ozali sembo na miso ya Nzambe, akopambola yo mpe okokóma na bozwi; kasi soki ozali mobola yango emonisi ete Nzambe asepelaka na yo te. Okanisi nini? [Tiká ye apesa eyano.] Kasi, Yesu azalaki moto ya bozwi te. [Tángá Luka 9:58.] Zulunalo oyo elobeli mapamboli oyo Nzambe apesaka basaleli na ye.”

Lamuká! Sɛtɛmbɛ

“Okanisi ete lelo bilenge bazali na mikakatano mingi koleka oyo bilenge bazalaki na yango kala? [Tiká ye apesa eyano.] Bato mingi bamonaka ete vɛrsɛ oyo elobeli mpenza makambo ya ntango na biso. [Tángá 2 Timote 3:1.] Zulunalo oyo elobeli mitinda ya Biblia oyo ekoki kosalisa baboti mpe bilenge bálonga mikakatano ya mikolo oyo.”