Tótambola na Yehova mokolo na mokolo

1. Ntɔngɔ, mpokwa, butu, moi,

Tótambola kaka na Nzambe.

Boboto na ye monene

Na baoyo batosaka ye!

Na bolingo n’e apesi

Biso lobɔkɔ na ye.

Yango tomipesi na ye;

Tokosalela kaka ye.

2. Talá nsuka ebɛlɛmi,

Nkanda ya Satana engali.

Aza’ kotɛmɛla biso

Mpo tóbanga, mpe tótika Yah.

Kasi Yehova azali;

Tózala pene na ye.

Mpe tósalela ye seko.

Tólinga ye, tópɛngwa te.

3. Mpo tóbunga mpe nzela te,

Yah apesi elimo na ye.

Apesi mpe libondeli,

Lisangá mpe Liloba na ye.

Soki tolandi Yehova,

Tokosala mabe te.

Akosunga mpo tózala

Sembo, tótosa kaka ye.