Etanda ya makambo ezali na kati

Mikakatano mpe mitungisi ekoki kosala ete tólɛmbisa mabɔkɔ, elingi koloba, tómiyoka ete tolɛmbi nzoto. Na masolo oyo, okoyekola ndenge oyo lobɔkɔ ya nguya ya Yehova ekoki kopesa yo makasi mpe mpiko mpo okoba koyika mpiko. Okomona mpe makambo oyo okoki kosala mpo olonga etumba oyo tozali kobunda mpe ozwa lipamboli ya Yehova.

Basaleli ya Nzambe na mokili mobimba balingaka ete molato mpe monzɛlɛ na bango ezala oyo ebongi, ya pɛto, mpe oyo endimami. Ntango balataka ndenge wana, batosaka mitinda ya Biblia. Ndenge nini okoki koyeba soki elateli na yo ekumisaka Nzambe?

Na masolo oyo mibale, tokomona ndenge oyo bilenge bakoki koyekola kosalela makoki na bango ya kokanisa mpo bákómisa makasi kondima na bango epai ya Yehova mpe bálimbwela basusu makambo oyo bandimaka. Tokomona mpe makambo oyo baboti bakoki kosala mpo na kosalisa bana na bango bákóma na kondima makasi mpe ndenge oyo bakoki kosalisa bango básepela koyekola makambo ya Yehova mpe Biblia.