Obongisa motema na yo

Ntango tozali koyekola Biblia, tolingaka makanisi ya Yehova esimba motema na biso, bomoto na biso ya kati. Ezera atiká ndakisa malamu na likambo yango na ndenge “abongisaki motema na ye mpo na koyekola Mobeko ya Yehova.” (Ezr. 7:10) Ndenge nini okoki kobongisa motema na yo?

Bondelá. Liboso obanda koyekola, salá libondeli. Sɛngá Yehova asalisa yo okanga ntina mpe osalela makambo oyo okoyekola.—Nz. 119:​18, 34.

Zalá na komikitisa. Bato ya lolendo oyo batyaka motema na mayele na bango moko, Nzambe amonisaka bango solo te. (Luka 10:21) Kosalaka bolukiluki te kaka mpo na kolakisa basusu ete oyebi mingi. Na komikitisa nyonso, bongolá makanisi na yo soki eyokani te na oyo ya Nzambe.

Meká koyoka loyembo moko ya Bokonzi. Miziki ekoki koloba na motema na biso, mpe na ndenge yango kobongisa biso mpo na losambo. Soki oyoki loyembo moko ya Bokonzi liboso obanda boyekoli, ekoki kosalisa yo obongisa motema na yo.