Salelá bandakisa mpo na kobimisa makanisi ya ntina

Ntango tozali kozongela bato to kotambwisa boyekoli ya Biblia, tosengeli kosalisa bayoki na biso bákanga ntina ya makanisi ya ntina. Soki tozali kosalela bandakisa mpo na kobimisa makanisi ya ntina, yango ekosimba mitema ya bayoki na biso mpe ekosala ete bábosana te makambo oyo bayekoli.

Ntango ozali komibongisa mpo na kozongela moto to mpo na kotambwisa boyekoli ya Biblia, poná makanisi ya ntina oyo omoni malamu osalela ndakisa mpo na kolimbola yango, kasi kopona te makambo ya mikemike. Na nsima, poná bandakisa ya pɛtɛɛ oyo eyokani na makambo oyo bato basalaka mokolo na mokolo. (Mt 5:14-16; Mr 2:21; Lk 14:7-11) Kobosana te mimeseno mpe makambo oyo bayoki na yo basalaka. (Lk 5:2-11; Yn 4:7-15) Ntango omoni ndenge moto oyo ozali kosolola na ye ayoki esengo mpo akangi ntina ya liteya moko, yango ekopesa yo esengo mpenza.

TALÁ VIDEO OKOKI KOYOKA ESENGO YA KOKÓMISA BATO BAYEKOLI: KOLISÁ MAKOKI NA YO​—SALELÁ BANDAKISA MPO NA KOBIMISA MAKANISI YA NTINA, MPE NA NSIMA YANOLÁ NA MITUNA OYO:

• 

  Mpo na nini esengeli kosalisa bayekoli ya Biblia bákanga ntina ya bavɛrsɛ ya Biblia?

• 

  Ndakisa nini Neeta asalelaki mpo na kolimbola solo ya Biblia oyo ezali na Baroma 5:12?

• 

  Soki tosaleli bandakisa ya malamu, yango ekoki kosala nini epai ya bayoki na biso?

• Na mosala ya kosakola, mpo na nini tosengeli kosalela bavideo mpe bisaleli mosusu mpo na koteya oyo ebongiseli ya Yehova ezali kopesa biso?