Poná baninga na yo na bwanya

Makambo oyo ekómelaki Bayisraele na mokili ya patatalu ya Moabe ezali ndakisa ya kokebisa mpo na bakristo. (1Ko 10:6, 8, 11) Bayisraele oyo basalaki boninga ná basi ya Moabe, oyo bazalaki kosala pite mpe basambeli ya bikeko basalaki masumu minene. Yango ememelaki bango mpasi mingi. (Mit 25:9) Biso mpe tozalaka esika moko ná baninga ya mosala, baninga ya kelasi, bato ya kartye, bandeko ya libota, mpe bato mosusu oyo toyebani na bango oyo basambelaka Yehova te. Mateya nini tokoki kozwa na lisolo ya Biblia oyo elobeli makama ya kosala boninga ya makasi elongo na bato ya ndenge wana?

TALÁ VIDEO BANDAKISA OYO EZALI KOKEBISA BISO LELO OYO​—VIDEO YA MOKUSE, MPE NA NSIMA YANOLÁ NA MITUNA OYO:

• 

  Makanisi nini ya mabe Zimiri ná baninga na ye balingaki kondimisa Yamine?

• 

  Ndenge nini Fineasi asalisaki Yamine atalela makambo na ndenge ya malamu?

• Bokeseni nini ezali kati na kosepela na moto oyo azali Motatoli ya Yehova te ná kozala moninga na ye?

• Mpo na nini tosengeli kozala ekɛngɛ ntango tozali kopona baninga na biso ya motema ezala na kati ya lisangá?

• Mpo nini tosengeli te kokɔta na bituluku ya basite ya kosolola na bato na Internet elongo na bato oyo toyebi te?