Zwá na motuya boyokani na yo ná Yehova

Lokola tozali Batatoli ya Yehova oyo tomipesá mpe tozwá batisimo, tozalaka na libaku moko kitoko ya kokómisa makasi boyokani na biso ná Yehova Nkolo Mokonzi-Oyo-Aleki-Nyonso. Abendá biso epai na ye na nzela ya Mwana na ye. (Yn 6:44) Ayokaka mabondeli na biso.​—Nz 34:15.

Ndenge nini tokoki kobatela boyokani ya malamu oyo tozali na yango ná Nzambe? Tosengeli koboya mabunga oyo Bayisraele basalaki. Mwa moke nsima ya kosala kondimana mpe boyokani ná Yehova, basalaki mwana-ngɔmbɛ ya wolo mpe basambelaki yango. (Kob 32:7, 8; 1Ko 10:7, 11, 14) Tokoki komituna boye: ‘Nasalaka nini soki nakutani na komekama? Makambo oyo nasalaka emonisaka ete nazwaka na motuya boyokani na ngai ná Yehova?’ Soki tolingi Tata na biso ya likoló mingi, yango ekosalisa biso tóboya makambo oyo ayinaka.​—Nz 97:10.

TALÁ VIDEO BATELÁ BOYOKANI NA YO NÁ YEHOVA (KOL 3:5), MPE NA NSIMA YANOLÁ NA MITUNA OYO:

• Bilulela ezali nini?

• Mpo na nini tosengeli koboya lokoso mpe losambo ya bikeko?

• Na ndenge nini kosala ekobo mpe kosambela bikeko ezali na boyokani?

• Mpo nini ezali na ntina, mingimingi mpo na baoyo bazali na mikumba na ebongiseli ya Teokrasi bakokisaka bamposa ya balongani na bango?