Oyo Elekeli elimboli mpo na bakristo

12:5-7, 12, 13, 24-27

Mpo Bayisraele bábika na bolɔzi ya zomi oyo Nzambe abɛtaki Baezipito, ezalaki na ntina mingi bátosa malako oyo epesamaki. (Kob 12:28) Na butu ya 14 Nisana, mabota esengelaki kozala elongo na kati ya bandako na bango. Basengelaki koboma mwana-mpate to mwana-ntaba ya mbula moko oyo ezalaki na nzoto makasi. Na nsima, basengelaki kopakola makila na yango na makonzí ya baporte mpe likoló na yango. Basengelaki kotumba nyama yango mobimba mpe kolya yango mbangumbangu. Moto moko te asengelaki kobima na ndako tii na ntɔngɔ.​—Kob 12:9-11, 22.

Na makambo nini mpenza botosi ebatelaka biso lelo oyo?