BOMOI YA BAKRISTO

Etamboli ya pɛto ná limemya makasi esimbaka mitema

Mbala mingi, bizaleli malamu ya basi oyo bakómaka bakristo, ebendaka mibali na bango na solo. Kasi, yango ekoki kosɛnga koyika mpiko na minyoko bambula mingi. (1Pe 2:21-23; 3:1, 2) Soki bazali konyokola yo kaka mpamba, kobá kosala malamu mpo na kolonga mabe. (Ro 12:21) Ndakisa na yo ya malamu ekoki kobimisa mbuma malamu koleka maloba na yo.

Meká kotalela makambo ndenge molongani na yo azali kotalela yango. (Flp 2:3, 4) Monisá ete ozali komitya na esika na ye mpe zalá na boboto; salá nyonso oyo esengeli mpo na kokokisa mikumba na yo na ndenge ebongi. Zalá moyoki malamu. (Yk 1:19) Zalá motema molai, mpe monisá molongani na yo ete olingaka ye kaka. Ata soki molongani na yo amoniselaka yo boboto to limemya ndenge wana te, okoki kotya motema ete Yehova asepelaka na bosembo na yo.—1Pe 2:19, 20.

TALÁ VIDEO YEHOVA APESAKA BISO MAKASI YA KOMEMA MOKUMBA NA BISO, MPE NA NSIMA YANOLÁ NA MITUNA OYO:

Bomoi ya Grace Li ezalaki ndenge nini na ebandeli ya libala na ye?
Nini etindaki ye andima solo ya Biblia?
Ndenge nini ndeko Grace ayikaki mpiko na mikakatano nsima ya batisimo na ye?
Makambo nini ndeko Grace asɛngaki na libondeli mpo na mobali na ye?
Mapamboli nini ndeko Grace azwaki mpo na etamboli ya pɛto mpe limemya makasi oyo amonisaki?

Bililingi: Bilingi oyo euti na video “Yehova apesaka biso makasi ya komema mokumba na biso,” emonisi ndenge Grace Li azali kokende liboso na elimo. 1. Grace azali kolela na kulware. 2. Ndeko mwasi moko azali koyekola Biblia na Grace Li. 3. Grace ná bana na ye balongwe na restora mpo na kokende na makita. 4. Grace ná bandeko na ye libwa ya libota bazali na Ndako ya Bokonzi. — Etamboli ya pɛto ná limemya makasi ezalaka na nguya!