MAKAMBO YA MOTUYA NA LILOBA YA NZAMBE | BAROMA 12-14

Komonisa bolingo ya bokristo elimboli nini?

Ntango moto moko asali biso mabe, bolingo ya bokristo esɛngi kaka te tóboya kozongisa mabe na mabe, kasi tósalela ye mpe likambo moko ya boboto. “Soki monguna na yo azali na nzala, pesá ye eloko alya; soki azali na mposa ya mai, pesá ye mai amɛla; mpo ntango ozali kosala bongo ozali kotya makala ya mɔtɔ na motó na ye.” (Ro 12:20) Boboto oyo tokomonisela moto oyo asalaki biso mabe, ekoki kutu kotinda ye ayoka mawa mpo na mabe oyo asalaki.

Moninga moko ya mosala asaleli ndeko mwasi moko makambo na boboto te, na mpokwa asololi na nkulutu moko ya lisangá mpo na likambo yango mpe mokolo oyo elandi, ndeko mwasi yango asaleli moninga na ye wana ya mosala makambo na boboto

Omiyokaki ndenge nini ntango moto moko oyo opesaki mpasi na motema na kozanga kokana asalelaki yo makambo na boboto?