Landá matambe ya Kristo malamumalamu

Yesu atiká ndakisa oyo tosengeli komekola, mingimingi ntango tokutani na komekama to minyoko. (1Pe 2:21-23) Atako Yesu afingamaki, azongisaki kofinga te, ata ntango banyokolaki ye. (Mr 15:29-32) Nini esalaki ye ayika mpiko? Azalaki na ekateli ya kosala mokano ya Yehova. (Yn 6:38) Atyaki mpe miso na “esengo oyo etyamaki liboso na ye.”​—Ebr 12:2.

Tosalaka nini ntango banyokoli biso mpo na kondima na biso? Bakristo ya solo ‘bazongisaka mabe na mabe te.’ (Ro 12:14, 17) Soki toyiki mpiko na minyoko ndenge Kristo asalaki, tokozala na esengo mpo Nzambe akondima biso.​—Mt 5:10-12; 1Pe 4:12-14.

TALÁ VIDEO NKOMBO YA YEHOVA NDE ELEKI NTINA, MPE NA NSIMA YANOLÁ NA MITUNA OYO:

• Ndenge nini ndeko mwasi Pötzingera asalelaki ntango na ye na bwanya ntango batyaki ye na bolɔkɔ oyo azalaki kaka ye moko?

• Minyoko nini ndeko Martin ná ndeko mwasi Pötzinger bayikelaki mpiko ntango bakangaki bango na bakaa ndenge na ndenge ya bakangami?

• Nini esalisaki bango báyika mpiko?