Biyano na mituna na bino

◼ Ntango nini ebongi kokata koyekola na moto Biblia?

Soki moyekoli ya Biblia azali lisusu kokende liboso te, okoki kokata koyekola na ye na mayele. (Mat. 10:11) Liboso ya kozwa ekateli yango, omituna boye: Atosaka mokolo to ngonga oyo toyokani mpo na koyekola? Abongisaka liboso liteya oyo tokoyekola? Asilá koyangana na makita mosusu ya lisangá? Ayebisaka basusu makambo oyo azali koyekola? Azali kobongola makambo mosusu mpo ayokanisa bomoi na ye na mitinda ya Biblia? Ya solo, osengeli mpe kotalela mbula mpe makoki na ye; kobosana te ete bato nyonso bakolaka ndenge moko te na elimo. Lisusu, soki okati koyekola na ye, monisá ye ete bokoki kozongela na mikolo ezali koya soki abongisi makambo.​—1 Tim. 2:4.