Ndenge ya kobanda lisolo

Mpo na kobanda koyekola na bato Biblia mokolo ya pɔsɔ ya liboso ya sanza ya zomi na mibale

“Bato mingi bazelaka Yesu azonga. Soki Yesu azongi, okolinga asala likambo nini?” Tiká ye apesa eyano. Lakisá ye lokasa ya nsuka ya Linɔ́ngi ya Mosɛnzɛli ya 01/12/2013, mpe bótalela makambo oyo ezali na nse ya motuna ya liboso mpe bótánga ata vɛrsɛ moko oyo ezali wana. Pesá ye bazulunalo mpe bóyokana mpo ozongela ye mpo bótalela motuna oyo elandi.

Linɔ́ngi ya Mosɛnzɛli 01/12/2013

“Lelo oyo, tozali na makambo mingi ya kosala, yango wana ekoki kozala mpasi tókanisa Nzambe. Okanisi ete ezali na ntina tókipe makambo ya Nzambe? [Tiká ye apesa eyano.] Na lisolo ya Yesu likoló ya ngomba, lisolo oyo ekendá nsango, alobaki ete mpo na kozala na esengo ya solosolo, tosengeli kopesa motuya na makambo ya Nzambe. [Tángá Matai 5:3.] Zulunalo oyo elobeli ntina misato oyo tozali mpenza na mposa ya Nzambe.”

Lamuká! 11/2013

“Mingi na biso tozwaka makanisi na makambo toyokaka na baradio, totalaka na televizyo mpe oyo totángaka na bazulunalo. Okanisi ete bansango oyo tozwaka ezali ya sikisiki mpe ya solo? [Tiká ye apesa eyano.] Biblia esɛngi biso tózala ekɛngɛ liboso ya kotyela makambo tozali koyoka motema. [Tángá Yobo 12:11.] Zulunalo oyo epesi mwa mayele oyo ekosalisa biso tómekaka maloba oyo tozali koyoka mpe kotánga.”