“Makanisi mpo na kokabola bazulunalo na . . .”

Sanza na sanza, tozalaka na lisolo moko na Likita ya mosala oyo elobelaka ndenge ya kokabola bazulunalo. Mokano na yango ezali te ya kolobela makambo oyo ezali na kati ya bazulunalo. Kasi nde ya kopesa makanisi mpo na kokabola bazulunalo. Na yango, nakolanda malako, ndeko mobali oyo bapesi ye lisolo wana akoloba na mokuse mpenza maloba ya ebandeli mpo na kobenda likebi na bazulunalo yango. Na nsima, bayangani bakopesa makanisi na lisolo (to masolo), mpo moto nyonso alanda mpe akoma makanisi oyo alingi kosalela. Na esika ya kosɛnga bayangani bázongela na mobimba makanisi oyo epesami mpo na kokabola bazulunalo yango, ndeko yango asengeli nde kosɛnga bandeko bálobela mituna ndenge na ndenge oyo bakotuna mpe na nsima bálobela bavɛrsɛ oyo bakotánga. Na nsuka, akosɛnga básala bilakiseli mpo na ndenge ya kokabola zulunalo mokomoko. Biso nyonso tolendisami na kotánga liboso bazulunalo yango mpe komibongisa mpo na kopesa makanisi. Soki moto nyonso amibongisi malamu, lisolo yango ekosalisa biso nyonso.​—Mas. 27:17.