Etanda ya makambo ezali na kati

Lisolo oyo ezali komonisa ndenge oyo mokapo ya mobu 2017 ezali kolendisa biso tótyela Yehova motema mpo asalisa biso ntango tokutani na mikakatano. Bandakisa ya bato ya sembo ya ntango ya kala ekoteya biso ndenge oyo tokoki kotyela Yehova motema ete akosalisa biso ntango tozali kosala nyonso oyo tokoki mpo na kosilisa mikakatano na biso mpe kosalisa basusu.

Na lisolo oyo, tokomona ndenge ya kozwa na motuya mingi likabo ya bonsomi ya kopona oyo Nzambe apesá biso, na kosaleláká yango na ndenge oyo esepelisaka Mopesi na yango. Ekosalisa mpe biso tómona ndenge oyo tokoki komemya lolenge oyo basusu basalelaka bonsomi na bango ya kopona.

Masolo oyo ekosalisa biso tóyeba malamu ntina ya bopɔlɔ, ezaleli moko ya malamu mingi. Lisolo ya liboso emonisi soki bopɔlɔ ezali nini mpe ezali nini te. Lisolo ya mibale ekoteya biso ndenge tokoki kokoba kozala na bopɔlɔ ata soki ezali mpasi kosala bongo.

Lokola mikolo ezali koleka, ezali kosɛnga ete bandeko oyo bakómi mikóló bápesa bandeko oyo bazali naino bilenge formasyo mpo bázwa mikumba mosusu na ebongiseli ya Yehova. Lisolo oyo emonisi ndenge oyo bilenge mpe mikóló bakoki kosalisana.