“Sikawa, tozali na Salle du Royaume na biso”

MASOLO mingi masili kokomama na bazulunalo na ntina na ba Salles du Royaume oyo ezali kotongama na metode ya nokinoki kati na mikili lokola Angleterre, canada mpe Etats​—Unis. Kasi mbala mingi bato bazali kobosana ete ba Témoins de Jéhovah na mikili oyo bazali koloba ete ezali na dévéloppement, bazali kotonga bisika na bango na losambo na kolanda metode na botongi ya nokinoki uta bambula mingi.

Na Afrike, mbala mingi Batemwe bazali kotonga bisika mpo na ba assemblées ya district na boumeli ya mwa baposo. Bisika yango bazali kotonga ezali te bobele mpo na koyangana na ntango ya assemblée mpe komibatela na moi makasi te, kasi bisika yango bizali lisusu kosalelama lokola bisika ya kolala mpo na bayangani. Makambo motindo yango makoki mpe komonana na Amérique centrale.

Na ndakisa, na Guatemala city, na mokili ya Guatemala, lisangá ya ba Témoins de Jéhovah na mboka Vivibien ezwaki likabo na motuya ya mosolo 1 200 francs français. Ntango moklisto moko apesaki bango mabelé na mboka, Batemwe bazwaki ekateli ya kosalela mbongo yango mpo na kotonga mwa ndako oyo ekosalisa mpo na makita.

Bamonaki malamu kotonga salle na kosalela banzete ya bambou ya 1,50 metre ya bolei, oyo na likóló na yango esengelaki kotika mwa lidusu mpo na kokotisa mopepe. Bazwaki ekateli ete salle ezala na monene ya 4 metres mpe molai 6 metres. Ntango bankulutu ya lisangá bakendaki kotala esika yango, bakamwaki na komona liboso na mabelé yango ba bambou oyo ezali na 6 kino 9 metres ya bolai mpe bonene ye 8 cm kino 13 cm. Na yango balobaki ete: “Mpo na nini te kotánga yango na mokolo ya samedi oyo ezali koya?”

Plan ya kotonga esalemaki na mpokwa ya Mercredi ya mpóso elandaki. Na Jeudi, Temwe moko akendaki kosomba manzanza mpo na kotia likoló, mosusu akendaki kosomba mabaya ya motóndo, mpe ya misato akendaki kosomba bansete. Jeudi na nsima na midi, bakataki mabaya engebene epimeli oyo balingaki mpo na kokangisa motóndo oyo babandaki kosala na lisalisi ya plaques métalliques. Vendredi na mpokwa, bokangisi na mabaya ya motóndo esilaki.

Samedi na ntongontongo, bakumbaki na motuka mabaya yango esilaki kokangisama mpe biteni mosusu ya mabaya, manzanza mpo na nsamba mpe bansete kino na mboka oyo, epai kuna mituka mosusu minei ezalaki mpe kokende na komemáká pene na bato 50, mibali, basi mpe bana. Na 8 heures, bato nyonso bakomaki.

Makonzi minene etelemisamaki kati na mabulu oyo matimolamaki na mabelé oyo ezali na mabanga ya volcan. Liboso, Batemwe basombaki epai na nkolo mabelé 50 nzete ya bambou oyo ntalo ezalaki pene na o,70 franc français mpo na moko elingi koloba mpo na nyonso bafutaki 35 francs français. Nokinoki bakataki bambou yango na mbeli, nsima ebongisamaki to kokatama na maboko bitenibiteni ya 1,50 m na molai mpe kopasola yango katikati na bitaze mibale.

Wana bamosusu bazalaki kotelemisa mpe kokangisa mabaya ya motóndo, bamosusu bazalaki kobeta nsete na biteni ya bambou oyo etyamaki likoló na mabaya oyo etelemi, eteni moko ya bambou na kati, eteni mosusu na libanda, na lolenge ete ba bambou emonanaki na mokolo na ngambo nyonso mibale ya mur na lolenge ya kitoko. Nsima, nsamba etiamaki mpe babandaki komema mabanga mpe mabelé mpo na koyeisa alima esika oyo mabelé ezalaki na mabulu. Salle esilaki na boumeli ya ngonga 12, liboso ete butu ebanda, mpe Batemwe bazongaki epai na bango, na engumba, wana mitema mitondi na esengo.

Nsima na yango, balonaki banzete, mpe batiaki bakiti oyo ekoki kongunzama mpe ba bancs oyo esalamaki na banzete ya bambou oyo esalelamaki te. Na bongo Salle du Royaume ebongaki mpo na kosala likita ya liboso.

Kati na mikili mingi epai kuna moi ezali makasi na Afrike, na Pacifique, kati na bisanga ya Antille, na Asie, na Mexique, na Amérique centrale mpe na Amérique du Sud epai kuna pene na milió moko ya ba Témoins de Jéhovah bazali kofanda botongi motindo oyo epesaki epai na Batemwe ya esika yango esengo ya koloba ete: “Sikawa, tozali na Salle du Royaume na biso.”