Maloba ya ebandeli ya eteni 7

Eteni oyo elobeli lisolo ya mokonzi Saulo mpe Davidi, na boumeli ya mbula soki 80. Na ebandeli, Saulo azalaki na komikitisa mpe azalaki kobanga Nzambe, kasi ayaki kobongwana mpe aboyaki kolanda litambwisi ya Yehova. Yehova aboyaki ye, mpe na nsima, ayebisaki Samwele atya Davidi mafuta mpo akokóma mokonzi na Yisraele. Saulo ayokelaki Davidi zuwa mpe alukaki mabaku ya koboma ye, kasi Davidi azongisaki mabe te. Yonatane, mwana ya Saulo, ayebaki ete Yehova aponaki Davidi; na yango, azalaki sembo epai ya Davidi. Davidi asalaki masumu minene, kasi aboyaki etumbu ya Yehova te. Moboti, salisá mwana na yo amona ntina ya kolanda ntango nyonso bibongiseli ya Nzambe.