ETENI 12

Ndenge nini okoki kozala na libota ya esengo?

Bolingo ezali na ntina mingi mpo mabota ezala na esengo. Baefese 5:33

Mobeko ya Nzambe elobi ete libala esengeli kosalema kati na mobali moko mpe mwasi moko.

Mobali azali kosalisa mwasi na ye oyo azali kobɛla, mwasi yango alambeli mobali na ye biloko ya kolya

Mobali ya malamu asalelaka mwasi na ye makambo na boboto mpe amityaka na esika na ye.

Mwasi asengeli kosala na bomoko elongo na mobali na ye.

Tata moko azali kolendisa mwana na ye atya likebi na makita

Bana basengeli kotosaka baboti na bango.

Zaláká na boboto mpe sembo, kozala moto ya nko te mpe kozanga bosembo te. Bakolose 3:5, 8-10

Baboti bazali koteya mwana na bango ya mwasi Biblia

Liloba ya Nzambe elobi ete mobali asengeli kolinga mwasi na ye lokola nzoto na ye moko mpe mwasi asengeli kozala na limemya makasi epai ya mobali na ye.

Mwasi moko ayoki mpasi ntango mobali na ye azali kotala mwasi mosusu na ndenge ya mabe

Kosangisa nzoto na moto oyo azali molongani na yo te ezali mabe. Kobala basi to mibali ebele ezali mpe mabe.

Libota moko bazali kotala ndenge moi ezali kolala

Liloba ya Nzambe eteyaka mabota ndenge ya kozala na esengo.