Eteni 6

Baboti Na yo

Baboti na yo bakutaná na makambo mingi. Lokola baleká na bolenge, bakutaná na makambo ya mpasi mpe bamoná bambongwana oyo esalemaka ntango moto azali elenge. Mpo na koloba solo, bakoki mpenza kosalisa yo na eleko wana ya yikiyiki. Nzokande, ntango mosusu, okoki komona ete baboti na yo bazali nde kobimisela yo mikakatano, na esika básalisa yo. Na ndakisa, okoki kokutana na moko ya mikakatano oyo:

□ Baboti na ngai bapamelaka ngai ntango nyonso.

□ Papa to mama azali moombo ya bangi to masanga.

□ Baboti na ngai baswanaka ntango nyonso.

□ Baboti na ngai bakabwaná.

Mikapo 21-25 ekosalisa yo oyeba ndenge ya kosala liboso ya mikakatano yango mpe mikakatano mosusu.

[Elilingi na lokasa mobimba 172, 173]