“Masumu minene nsambo ya mokili”

BALOBAKA ete Mohandas Ghandi asalaki liste ya makambo oyo abéngaki ete “Masumu minene nsambo ya mokili.” Yango oyo:

• Bozwi ezangi mosala

• Bisengo ezangi lisosoli

• Boyebi ezangi bomoto

• Mombongo ezangi kolongobana

• Zebi ezangi kosalela bato

• Losambo ezangi komipesa

• Politiki ezangi mitindá ya moboko

Balobaka ete Arun Ghandi, mwana ya mwana ya Mohandas Ghandi, abakisaki lisumu ya mwambe ete:

• Ntómo ezangi mikumba

Ntango mosusu okoki kobakisa mwa masumu mosusu, kasi liste oyo ezali solo kosimba mayoki na biso. Mpo na kolónga “masumu” wana, Biblia epesi lisalisi oyo ezwami na mibeko mibale oyo: “Okolinga [Yehova] Nzambe na yo na motema na yo mobimba mpe na molimo na yo mobimba mpe na makanisi na yo mobimba. Oyo ezali mobeko moleki monene mpe ya liboso. Mosusu na mibale ezali mpe lokola yango ete, Okolinga mozalani na yo lokola yo moko. Mibeko nyonso mpe basakoli ikakemi na mibeko oyo mibale.”​—Matai 22:37-​40.