Bakufi bakoki kosunga bato na bomoi?

Ekoki kozala bosukisi ya bato oyo, na eleko ya ebandeli ya molungé na 1994, balekaki pene ya ndakonzambe ya Katolike, ebéngami Mama ya toli malamu, na Louisville, na mboka Kentucky. Na yango, etánda moko ezalaki na makomi oyo: “BÓSAMBELA BALINGAMI NA BINO OYO BASILI KOKUFA, BAKOKI KOSUNGA BINO.”

Biblia ezali koteya ete bakufi bakoki kosunga bato na bomoi? Bato bakufaka solo te mpo na kozala na bomoi na lolenge mosusu? Bakufi bazali na bomoi epai mosusu mpe bakoki kosunga biso?

Ezali na mituna wana nde trakte Elikya nini ezali mpo na balingami na biso oyo basili kokufa? eyanoli. Soki okosepela kozwa yango, to soki olingi ete moto moko aya kotala yo mpo na koyekola Biblia elongo na yo kozanga kofuta, tindá nkomá na Association “Les Témoins de Jéhovah,” B.P. 634 Limete, Kinshasa, Zaïre.